Muambi 6:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bialela muntu bana lukama ne biashaleye ne muoyo bidimu bia bungi, kadi bikala mutshima wandi kauyi mukulu ne malu mimpe, anyi bantu kabayi bamujike bimpe, ndi ngamba ne, Muana wa kabishi udi mumuhite ku dikasa dimpe;

MUKANDA WA MYIDI MUKULU

³ Muntu udi mua kulela bana lukama, kulala kabidi panu bidimu bivule. Kadi bionsu ebi nebimuenzele tshinyi padiye kayi ne diakalenga matuku onsu adiye ulala panu, kabidi padi bantu kabayi mua kumujika bimpe? Ndi ngamba ne: muana wa tshibika mmumupite ku diakalenga.

Muambi 6:3 Referans Kwoze

Yobe 3:16

Nakadi kuikala bu muana wa kabishi musokoka, bu bana badi kabayi banze kutangila munya.

Yirmeya 22:19

Nebamujike bu mudibo bajika nyama wa mpunda, bamukoke hanshi ne bamuimashe ha nyima ha bibi bia ku Yelushalema.

Muambi 4:3

ne badi kabayi banze kuledibua ne kabayi banze kutangila malu mabi adibo benza muinshi mua diba badi batamba buonso buabo kusanka.

2 Bakalenga 9:35

Bakaya bua kumujika. Kadi bakasangana anu kabalubalu ka mutu wandi ne makasa ne munda mua bianza.

Genese 47:9

Yakoba wakamukudimuna ne Bidimu bia luendu lua bukole buanyi bidi lukama ne makumi asatu, matuku anyi adi makese, akadi mule tente ne malu mabi, kaena manze kufika ku bungi bua bidimu bia bankambua banyi mu luendu lua bukole buabo.

Matayi 26:24

Muana wa muntu udi uya bu muakamufundabo; kadi mulau neulue kudi udi utungila Muana wa muntu tshitungu; biakadi bimpe bu muntu eu kai muledibue.

Yirmeya 36:30

Nunku Yehowa udi wamba bua Yehoyakima, mukelenge wa Yuda, ne, Yeye kena wikala ne muana wa kushikama mu nkuasa wa bukelenge wa Davidi, ne nebimashe tshitalu tshiandi mu munya ne mu mashika a butuku.

Yirmeya 8:2

Nebashale ku mpala kua diba ne kua ngondo ne kua bintu bionso bia mu diulu, bintu biakanangabo ne biakakuatshilabo mudimu, ne biakalondabo ku nyima kuabi, ne biakatempabo nʼabi ne biakatendelelabo; kayena isangishibua kabidi, kabena bayijika kabidi, kadi nebayishiye hanshi ha buloba bu tunvi.

Nsumuinu 17:6

Bikulu badi tshifulu tshia butumbi tshia bantu banunu; butumbi bua bana mbatatu babo.

Misambu 58:8

Bikale bu dilandi didi disunsuka, didi dijimina, bikale bu muana wa kabishi udi kayi muanze kumona diba.

Estere 7:10

Nunku bakowa Hamana ku tshiowelu tshiakalongolueleye Môdekai. Hashishe tshiji tshia mukelenge tshiakalekela.

Estere 5:11

Hamana wakabamanyisha bua butumbi bua bubanji buandi, ne bungi bua bana bandi bakaleleye, ne ku mutu kua malu onso kuakamuteka mukelenge ne bu muakamubandisheye ku mutu kua bantu banene bonso ne bena mudimu ba mukelenge.

2 Kulondolola 11:21

Lehabama wakananga Mâka, muana wa Abashaloma, ha mutu ha bakashi bandi bonso ne bakashi bahika bakadiye mubake (bualu bua yeye wakabaka bakashi dikumi ne muanda mukulu ne bakashi bahika makumi asambombo; wakalela nʼabo bana ba balume makumi abidi ne muanda mukulu ne ba bakashi makumi asambombo).

1 Kulondolola 28:5

ne munkatshi mua bana banyi balume (Nzambi wakumpa bana ba bungi) yeye wakasungula Solomo muanʼanyi bua kushikameye mu nkuasa wa bukelenge bua Yehowa ku mutu kua Bena Isalele.

2 Bakalenga 10:1

Ahaba wakadi ne bana balume makumi muanda mutekete mu Samalea. Yehu wakafundila bakadi ne bukokeshi mu Yizelele, bakulu bakadi badiundisha bana ba Ahaba, mikanda mu Samalea ne,

Genese 33:5

Yeye wakabisha mesu andi wakamona bakashi ne bana, wakamukonka ne, Bantu aba badi nʼebe mbanganyi? Wakamukudimuna ne, Aba mbana bakuha Nzambi muntu webe mu luse.

Muambi 6:4

bualu bua yeye udi uledibua hatuhu, udi umuka mu mîdima, ne dina diandi didi dijimine mu mîdima;

Yobe 3:11

Bualu kai tshiakaha diba diakandelabo? Bualu kai tshiakahuela muoyo diba dinakaluhuka munda mua mamu wanyi?