Muambi 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ndi mumanye ne, Malu onso adi Nzambi wenza neajalame tshiendelele; kabena bamanye mua kusangisha tshintu ha mutu, kabena bamanye mua kumushaku tshintu; Nzambi wakenza nunku bua bantu bamutshine.

MUKANDA WA MYIDI MUKULU

¹⁴ Mvua mujingulule ne bionsu bidi Mvidi Mukulu muenze, kabiena biandamuka to. Kakuena tshidibu mua kusakidila nansha kumusha. Mvidi Mukulu udi wenza nanku bua bantu bamunemeke.

Muambi 3:14 Referans Kwoze

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.

Misambu 33:11

Lungenyi ludi Yehowa usungula ludi lujalama tshiendelele, meji adiye uhangidisha mu mutshima wandi adi ajalama tô ne ku bikondo bionso.

Rome 11:36

Bualu bua bintu bionso biakafuma kudiye, bidiku bua bualu buandi, bidi bikala anu kudiye. Butumbi buikale kudiye tshiendelele! Amen.

Bienzedi 5:39

kadi bikala bualu ebu bua Nzambi, kanuena bamanye mua kubuhumbisha; nunku nebansangane nuluisha Nzambi nvita.

Nsumuinu 30:6

Kutentekashi dî ku mei andi, bua yeye kakubedi, kukusanganyi muena mashimi.

Tite 1:2

mu ditekemena dia muoyo wa tshiendelele, udi Nzambi, udi kai mua kudinga, mulaye diambedi bikondo bia tshiendelele kabi bianze kuikalaku.

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Efeze 3:11

bu mudi didisunguila diandi dia tshiendelele diakasunguleye mu Kilisto Yesu Mukelenge wetu;

Bienzedi 4:28

ne bua kuenza malu onso akasungula tshianza tshiebe ne mutshima webe diambedi ne, Alue.

Bienzedi 2:23

yeye wakadi mufila bu muakadi meshi akasungula Nzambi ne bu muakadi budianjidi kumanya buandi, nuenu nuakuenzesha bianza bia bantu babi bua kumutekabo ku mutshi mutshiamakane ne bua kumushihabo.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Muambi 7:18

Mbimpe kulamata ku bualu ebu bikole; kumushiku tshianza tshiebe nansha; bualu bua watshina Nzambi neahanduke mu malu onso.

Muambi 5:7

Bualu bua mu bilota bia bungi mudi mei a bungi ahatuka, kadi utshine Nzambi.

Nsumuinu 19:21

Mutshima wa muntu udi ne malu a bungi adiye uhangidisha, kadi malu adi Yehowa Usungula neajadikibue.

Misambu 76:10

Bulelela, tshiji tshia bantu netshikutumbishe; wewe neudiluatshishe ne tshiji tshidi tshishala.

Misambu 64:9

Bantu bonso nebatshine, nebambe mudimu udi Nzambi muenze, nebele meji bimpe bua bienzedi biakuenzeye.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.

Danyele 8:8

Mpumbu wa mbushi Wakenza malu mahite bunene; kadi hakahiteye bukole, lusengu alu lunene luakatshibuka, mikuabo mai yakamena mu muaba walu, mitangilangane ne mpehele inai ya mu diulu.

Muambi 12:13

Eu nshikidilu wa malu onso; malu onso adi munvuike. Utshine Nzambi, utumikile mikenji yandi; ebu mbualu buonso budi muntu ne bua kuenza.

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

2 Samuele 22:31

Nshila wa Nzambi udi muakane tshishiki; dî dia Yehowa didi ditetshibua; yeye udi ngabu kudi bantu bonso badi banyemena kudiye.

Muambi 5:6

Kuitabushi bua mukana muebe kukulenduisha; kuambidi messager ne, Nakadi mutuhakane; udi musue Nzambi ikale ne tshiji bua mei ebe, ashihe mudimu wa bianza biebe bua tshinyi?