Muambi 3:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nakatangila mudimu wa lutatu wakaha Nzambi ba ha buloba bua kubibidisha nʼau.

MUKANDA WA MYIDI MUKULU

¹⁰ Mvua mutangile midimu mikole idi Mvidi Mukulu mupeshe bantu.

Muambi 3:10 Referans Kwoze

Genese 3:19

neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

Muambi 2:26

Nzambi udi uha muntu udi umusankisha meji, lungenyi ne disanka; kadi udi uha muntu mubi lutatu lua kukunguisha bintu bia kuhesha mukuabo udi usankisha Nzambi. Bualu ebu mbua hatuhu kabidi ne bu kuihata kua luhehele.

2 Tesalonike 3:8

ne katuakadia bidia bia muntu mukuabo hatuhu, kadi mu mudimu mukole ne mu lutatu, tuakenza mudimu ne bianza bufuku ne munya, bua katuikadi bujitu hamʼbidi ha umue wenu.

1 Tesalonike 2:9

Bualu bua nudi nuvuluka, bana betu, mudimu wetu mukole ne lutatu luetu; butuku ne munya tuakenza mudimu bua katudivuishi bujitu hamʼbidi ha nasha umue wenu; nunku Nakanuambila lumu luimpe lua Nzambi.

Muambi 11:5

Bu mûdi kuyi mumanye mudi luhehele luheha, bu mûdi kuyi mumanye mudi mifuba idiunda munda mua mukashi udi ne difu, nunku kuena mumanye mudimu wa Nzambi udi wenza malu onso.