Muambi 11:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe nsongalume, usanke mu bunsongalume buebe, mutshima webe akusankishe mu matuku a bunsongalume buebe; wende mu nshila yonso idi mutshima webe musue ne idi mimpe ku mesu kuebe; kadi Umanye biebe ne, Nzambi neakulumbuluishe bua malu au onso.

MUKANDA WA MYIDI MUKULU

⁹ Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Muambi 11:9 Referans Kwoze

Muambi 12:14

Bualu bua Nzambi nealumbulule mudimu wonso ne bualu buonso busokoka, nansha buimpe nansha bubi.

Muambi 12:1

Uvuluke Mufuki webe mu matuku a bunsongalume buebe, hadi matuku mabi kayi manze kulua anyi bidimu kabiyi bianze kufika ha buihi, haudi wamba ne, Tshiena nʼabi disanka;

Muadi 3:27

Bidi bimpe bua muntu ambule biandi mutshi wa tshikokedi mu bunsongalume buandi.

Muambi 3:17

Nakamba mu mutshima wanyi ne, Nzambi nealumbuluishe bantu bakane ne bantu babi; bualu bua malu onso ne midimu yonso bidi ne tshikondo tshiabi.

2 Korente 5:10

Bualu bua butudi nʼabu mbua kumueneshibua buonso buetu ku mpala kua tshilumbuluidi tshia Kilisto, bua muntu ne muntu kuangateye bintu bia mu mubidi wandi bu muakenzenzeye, nasha malu mimpe nasha malu mabi.

Ebrewu 9:27

Bualu bua budi busunguila bantu bua kufuabo musangu umue, ne ku nyima kua hualu ebu kulumbulula kudiku;

Yobe 31:7

bikala dikasa dianyi disesuke mu nshila, bikala mutshima wanyi mulonde lukuka lua mesu anyi, bikala ditoba dilamate ha bianza bianyi;

Rome 14:10

Abu wewe, udi ulumbuluisha muanʼenu bua tshinyi? Anyi wewe kabidi, udi uhetula muanʼenu bua tshinyi? Bua buonso buetu netuimane ku mpala kua tshilumbuluidi tshia Nzambi.

Matayi 5:28

kadi meme ndi nuambila ne, Muntu yonso udi utangila mukashi ne lukuka lua masandi wakumana kuenda nʼandi masandi mu mutshima wandi.

Muambi 2:10

Tshiakahidia nansha tshintu tshimue tshiakajinga mesu anyi; tshiakalesha mutshima wanyi nansha disanka dimue; mutshima wanyi wakasanka bua midimu yonso makela; edi ndifutu dianyi dia ku midimu yonso biakenza.

Genese 6:2

bansongalume ba bantu ba Nzambi bakamona bana bakashi ba bantu ba tshianana ne, Mbalengele, bakasungula bonso bakasuabo bu bakashi babo

Genese 3:6

Hakamona mukashi ne, Mutshi au udi muimpe wa kudia ne udi muimpe ku mesu ne udi mua kuha muntu lungenyi, yeye wakangata dimuma, wakadia, wakahesha mulume wandi kabidi, ne yeye wakadia.

Dibadika 15:30

Kadi muntu udi wenza bualu bubi ne mutshima mukole nansha muntu mulela munkatshi muenu nansha muenyi, muntu au udi uhenda Yehowa, nebamumushe munkatshi muabo.

2 Petro 3:7

Kadi bua dî diodiumue diulu didiku katataka ne buloba kabidi biakabutshidibua bua kuhia ne kahia bilamibue tô ne ku dituku dia dilumbulula ne dia dibutuka dia bantu badi babenga Nzambi.

Yirmeya 23:17

Batu bambila bantu babi bampetula ne, Yehowa wakuamba ne, Nenuikale ne ditalala. Badi bambila muntu yonso udi wenda mu tshitshu tshia mu mutshima wandi ne, Dikenga kadiena dikukuata.

Yirmeya 7:24

Kadi bobo kabakunvua, kabakateleja matshu, bakalonda anu lungenyi luabo ne tshitshu tshia mu mitshima yabo mibi; bakalukila ku nyima, kabakaya ku mpala nansha.

Misambu 81:12

Nunku nakabalekela bua kulondabo tshitshu tshia mu mitshima yabo, bua kuendabo mu nshila wakadi meji abo masungule.

Dielulula 29:19

Kadi bikala muntu udi unvua mei a mulau eu udiamba mu mutshima wandi ne, Meme nengikale ne ditalala nansha binalonda tshitshu tshia mu mutshima wanyi, bua kutenteka dikuatshika ha mutu ha nyota,

Dibadika 15:39

Hanuatangila malenda au, nuvuluke mikenji ya Yehowa, nuyenze, kanulondi mitshima yenu ne mesu enu adi anuenzesha malu a masandi,

Bienzedi 24:25

Hakadiye wakulangana abo bualu bua buakane, ne bua didikanda, ne bua tshilumbuluidi tshilualua, Felika wakatshina bikole, wakamba ne, Ya biebe katataka; hanaheta tshikondo tshiakane, nenkubikile kundi.

Bienzedi 14:16

mu bikondo bia ku nyima yeye wakitabusha bua bisamba bionso bia bende biende mu nshila yakadi mitshima yabo misue.

1 Bakalenga 22:15

Hakafikeye kudi mukelenge, yeye wakamuebesha ne, Mikaya, tuye kuluangana ne Bena Lamota-gilada, anyi tushale? Yeye wakamuambila ne, Ya biebe, wikale ne diakalengele, Yehowa neafile musoko mu bianza bia mukelenge.

1 Bakalenga 18:27

Hakafika munda munya, Eliya wakabaseka ne, Elai dî dikole, bualu bua yeye udi nzambi: yeye udi welangana meji, anyi wakuya kuntu, anyi wakuya ku luendu, anyi yeye udi ulala tulu ne bunudi nʼabu mbua kumuhisha.

1 Bakalenga 18:12

Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

Dibadika 22:32

Muanjelo wa Yehowa wakamuambila ne, Wakakuma mpunda webe misangu isatu bualu kai? Tangila, meme nakulua bu muhumbishi webe, bualu bua nshila webe kena muakane ku mesu kuanyi,

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Yoshua 7:21

hanakatangila tshilulu tshimpe tshia Bena Babulona ne nshekele nkama ibidi ya argent ne tshiamu tshia or tshia mushinga wa nshekele makumi atanu munkatshi mua bintu, lukuka luakangata, nakabiangata; mona, bidi bisokoka mu buloba munkatshi mua ntenta wanyi, ne tshiamu tshia argent tshidi muinshi muabi.

Luke 12:19

Nengambile mutshima wanyi ne, Mutshima, wewe udi ne bintu bia bungi bibuta bia bidimu bingi; wikishe, udie, unue, usanke biebe.

Muambi 6:9

Kumona ne mesu kudi kutamba kujinga buakane; ebu mbualu bua hatuhu, bu kuihata kua luhehele.

Muambi 7:14

Mu dituku dia diakalengele usanke biebe; ne mu dituku dia dikenga, welangane meji; bulelela, Nzambi wakavuisha dituku dimue diakanangane ne dikuabo, bua muntu kajinguludi malu atshilualua.

Muambi 3:12

Ndi mumanye ne, Kakuena bualu buimpe bu kusanka ne kuenza malu mimpe matuku onso hatshidi muntu ne muoyo.