Misambu 97:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Miele yandi ya nvula yakahenyeshila ba ha buloba; buloba buakatangila bualu ebu, buakazakala.

MUKANDA WA MYIDI MUKULU

⁴ Miele ya mvula idi ikenkesha bantu, buloba budi buyimona, buzakala.

Misambu 97:4 Referans Kwoze

Misambu 77:18

Dî dia mukungulu webe wa nvula diakadi mu nvunde, miele yebe ya nvula yakahenyina ba ha buloba. Buloba buakakanka, buakazakala.

Misambu 104:32

Udi umona buloba, budi buzakala; udi ulenga mikuna tshianza, idi ihatula muishi wa kadilu.

Didimanyisha 11:19

Ne ntempelo wa Nzambi udi mu diulu wakunzuludibua; ne mushete wa tshihungidi tshiandi mu ntempelo wandi wakamuenebua; ne miele ya nvula, ne mei, ne mikungulu, ne kukanka kua buloba, ne mabue a nvula, biakalua.

Didimanyisha 19:11

Nakatangila diulu dibululuke; ne mona, kabalu katoke, ne wakadi ushikama ba nyima haku wakabikidibua ne, Wa Kueyemena ne Mulelela; ne mu buakane buandi udi ulumbuluisha ne udi uluangana nvita.

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Misambu 114:7

Zakala, wewe buloba, ku mesu kua Mukelenge, ku mesu kua Nzambi wa Yakoba,

Misambu 96:9

Tendelelai bienu Yehowa baluate bivualu bia tshijila, Zakalai ku mpala kuandi, nuenu bonso ba ha buloba.

Yobe 9:6

Udi uzakasha buloba, ubûmusha mu muaba wabu, ne bishimikidi biabu bidi bikanka.

Yobe 37:3

Yeye udi utuma bua kukungulau muinshi mua diulu dionso, udi utuma muele wandi wa nvula tô ne kunfudilu kua buloba.

Misambu 77:19

Nshila webe wakadi mu mai manene, nshila yebe yakahita mu mai matambe bukole; ne biendedi biebe kabiakamanyibua.