Misambu 94:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yeye udi uha bantu lungenyi, yeye udi uyisha ba mu bisamba bia bantu, kena mua kubabela ne mitutu, anyi?

MUKANDA WA MYIDI MUKULU

¹⁰ Yeye ngudi ubela bisamba bia bantu, apange bukole bua kubinyoka. Yeye ngudi ulongesha bantu, apange kuikala ne lungenyi?

Misambu 94:10 Referans Kwoze

Yobe 35:11

udi utuyisha lungenyi luhite lua nyama ya ha buloba, udi utuvuisha bena meji bahite nyunyu ya mulu.

Yeshaya 28:26

Bualu bua Nzambi wandi udi umulesha lungenyi luimpe lua kulondeye, udi umuyisha.

Yirmeya 10:25

Hongolola tshiji tshiebe ha mutu ha bisamba bidi kabiyi bikumanye, ne ha mutu ha bantu badi kabayi babikila dina diebe; bualu bua biakabutula bana ba Yakoba; bulelela, biakubabutula, biakubamana, biakuhaula tshishikaminu tshiabo.

Misambu 44:2

Wewe wakihata bisamba bia bantu ne tshianza tshiebe; kadi wakashilaku batatu mu buloba. Wakakengesha bantu bakuabo, kadi wakavudisha batatu mu miaba yonso.

Yowanane 6:45

Baprofete bakafunda ne, Nzambi neabayishe bonso. Muntu yonso wakunvua mei a Tatu, wakuayila, ulualua kundi.

Abakuke 3:12

Mu njiya yebe mikole wewe wakahitshila mu buloba, wewe wakadiata bisamba bia bantu mu tshiji tshiebe.

Abakuke 1:12

Yehowa Nzambi wanyi, wewe kuena wanyi Wa Tshijila kale tô ne mpindiu, anyi? Katuena tufua! Wewe Yehowa, wakumusungula bua kulumbuluisheye bantu; wewe Dibue, wakumujadika bua kukengesheye bantu.

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Yezekiyele 39:21

Nenjadike butumbi buanyi munkatshi mua bisamba bia bantu; ne ba mu bisamba bionso nebamone munakushikisha kulumbulula kuanyi kunakubalumbuluisha, ne tshianza tshianyi tshinakuteka hamʼbidi habo.

Yeshaya 54:13

Bana bebe bonso nebikale bayidi ba Yehowa; ditalala dia bana bebe nedikale dinene.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 2:3

Bantu ba bungi nebayeku, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; bua yeye atuyishe bienzedi biandi, ne bua tuetu tuende mu nshila yandi. Bualu bua diyisha dia mikenji nedifume mu Siona, ne dî dia Yehowa nedihatuke mu Yelushalema.

Nsumuinu 2:6

Bualu bua Yehowa udi uha bantu meji; mukana muandi mudi muhatuka lungenyi ne dijingulula dia mianda.

Misambu 119:66

Unyishe dijingulula dimpe dia malu ne meji, bualu bua nakueyemena mikenji yebe.

Misambu 10:16

Yehowa udi Mukelenge tô ne tshiendelele; bisamba bia bantu biakujimina mu buloba buandi.

Misambu 9:5

Wakabela bisamba bia bantu, wakubutula bantu babi; wakujimisha dina diabo tshiendelele.

Misambu 149:7

bua kusombuela bisamba bia bantu, bua kukengeshabo bukua bantu,

Yobe 28:28

Hashishe, wakambila bantu ne, Monai, ditshina dia Mukelenge didi meji; ne kumuka ku malu mabi kudi kujingulula kua malu.

Yobe 34:29

Biahuweye talalâ, muntu kai wamubisha? Biasokokeye mpala wandi, muntu kai wamanya mua kumumona? Yeye udi wenzela tshisamba tshijima ne muntu umue muomumue,