Misambu 90:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Wewe wakuteka malu mabi etu ku mpala kuebe, Wakuteka mihi ituakuenza mu busokoko mu munya wa ha mpala hebe.

MUKANDA WA MYIDI MUKULU

⁸ Wewe udi muleje malu etu mabi patoke, butoke buebe budi bukenkesha malu etu masokome.

Misambu 90:8 Referans Kwoze

Yirmeya 16:17

Bualu bua mesu anyi adi amona nshila yabo yonso, kayena misokoma kundi, ne mibi yabo kayena misokoma ku mesu kuanyi.

Muambi 12:14

Bualu bua Nzambi nealumbulule mudimu wonso ne bualu buonso busokoka, nansha buimpe nansha bubi.

Yirmeya 23:24

Yehowa udi ukonka ne, Muntu udi mua kusokoma miaba ya mu busokoko indi tshiyi mumanye mua kumutangila, anyi? Yehowa udi ukonka ne, Tshiena ngûsha diulu ne buloba tente, anyi?

Misambu 19:12

Udi mumanye mua kujingulula mahanga andi nganyi? Umbingishe ku malu mabi andi tshiyi mumone ku mesu.

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.

1 Yone 3:20

bua hikala mitshima yetu ituhisha, Nzambi udi uhita mitshima yetu bunene, ne udi mumanye malu onso.

Misambu 10:11

Yeye udi udiamba mu mutshima wandi ne, Nzambi wakuhua muoyo; udi usokoka mpala wandi, kena utangila bualu ebu kashidi.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Rome 2:16

Nunku nebalumbuluishibue ku dituku didi Nzambi ulumbulula malu masokome a bantu kudi Yesu Kilisto, bu mudi lumu luimpe luanyi luamba.

Yezekiyele 8:12

Hashishe Yehowa wakangambila ne, Muana wa muntu, udi umona bu mudi bakulu ba mu tshisamba tshia Bena Isalele benza mu mîdima, muntu ne muntu mu nsubu wandi wa mindidimbi, anyi? Bua badi bamba ne, Yehowa kena utumona; Yehowa wakulekela buloba buetu, wakumuka.

Nsumuinu 5:21

Bualu bua nshila ya muntu idi ku mesu kua Yehowa, yeye udi widikisha nshila yandi yonso bimpe.

Misambu 80:16

Bakuwosha ne kahia, bakûtaha, bauhula; badi bafua hamonabo dinyenga dia mpala webe.

Misambu 50:21

Wewe wakuenza malu â, ne meme nakuhuwa talalâ. Wakuela meji munda muebe ne, Nzambi udi bu meme mu malu onso. Kadi ndi ngamba kukubela mpindiu ne kukulondela malu â ku mesu kuebe.

Yobe 34:21

Bualu bua yeye udi uteka mesu andi ku nshila idi muntu wendela, udi umona biendedi biandi bionso.

Lewitiki 4:23

ne hamanyeye bualu bubi buakenzeye, neafue mpumbu wa mbushi udi kayi ne tshilema bu mulambu wandi,

Lewitiki 4:28

ne hamanyeye bualu bubi buakenzeye, yeye neafile mukashi wa mbushi udi kayi ne tshilema bu mulambu wa bubi buakenzeye.

Yobe 10:14

Bingenza bualu bubi, wewe neuntangile talalâ, ne kuena umbingisha ku bubi buanyi.

Misambu 109:15

Malu â ikale ku mpala kua Yehowa misangu yonso, bua yeye umushe divuluka dia bantu aba ha buloba.

Yirmeya 2:22

Mukelenge Yehowa udi wamba ne, Biwowa ne buanga bua nsabanga, biwangata nsabanga wa bungi, bubi buebe butshidi bufunda ku mpala kuanyi.