Misambu 80:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nunku katuena tualukila tshianyima bua kumuka kûdi. Utuangashe, nembikile dina diebe!

MUKANDA WA MYIDI MUKULU

¹⁸ Tshianza tshiebe tshishale pa mutu pa mukalenga, udi usomba ku tshianza tshiebe tshia balume, pa mutu pa muntu ewu uuvua mukoleshe.

Misambu 80:18 Referans Kwoze

Misambu 119:154

Ungakuile tshilumbu tshianyi, umpikule; usangishe muoyo wanyi bu mudi mulayi webe.

Misambu 119:107

Ndi mukengeshibue bikole; usangashe muoyo wanyi, Yehowa, bu mudi dî diebe.

Misambu 119:40

Mona, nakujinga malu awakunsunguila bua meme kuenza, usangashe muoyo wanyi mu buakane buebe.

Misambu 119:25

Muoyo wanyi udi ulamata ku luhuishi; unsangashe kabidi bu mudi di diebe.

Musambu wa Solomo 1:4

Unkoke; netukulonde lukasa. Mukelenge wakulua nʼanyi mu nsubu muandi. Netusanke bua bualu buebe; kutumbisha kuetu kua dinanga diebe kudi kutamba kutumbisha kuetu kua nvinyo; badi bakunanga bulelela.

Misambu 119:37

Ukudimune mesu anyi bua kâtangidi malu a hatuhu, usangashe muoyo wanyi mu nshila yebe.

Misambu 79:13

Nunku tuetu bantu bebe, mikoko ya mu tshidilu tshiebe tshidi ne mashinde, netukusakidile tshiendelele; netumanyishe ba mu bikondo bionso butumbi buebe.

Misambu 85:6

Kuena utusangasha kabidi, bua bantu bebe basanke bualu buebe, anyi?

Misambu 71:20

Wewe wakundesha makenga makole a bungi neunsangashe kabidi, neumpatule kabidi mu ndondo wa mu buloba.

Misambu 119:156

Luse luebe ludi lunene, Yehowa, usangashe muoyo wanyi bu mudi kulumbulula kuebe kuakane.

Ezela 7:6

Ezela eu mene wakafuma mu Babulona; wakadi mufundi muakane wa mikenji ya Mose yakafila Yehowa, Nzambi wa Bena Isalele; mukelenge wakamunvuila mu malu onso akamuebesheye bualu bua tshianza tshia Yehowa, Nzambi wandi, tshiakadi kudiye.

Ezela 7:9

Wakabanga luendu luandi dituku dia kumudilu mu ngondo wa kumudilu mu Babulona; Wakafika ku Yelushalema ku dituku dia kumudilu dia ngondo muitanu bualu bua tshianza tshimpe tshia Nzambi wandi tshiakadi kudiye.