Misambu 77:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Luse luandi lujalame luakumana kuhuwa tshiendelele, anyi? Mulayi wandi wakuhanga tshiendelele, anyi?

MUKANDA WA MYIDI MUKULU

⁸ Maweja-Nangila neatubenge kashidi anyi? Kena kabidi netu bualu anyi?

Misambu 77:8 Referans Kwoze

2 Petro 3:9

Mukelenge kena ushanguluka bua kushikisheye milayi yandi, bu mudi bakuabo babala dishanguluka; kadi udi nʼenu lutulu, kena musue umue wenu ajimine, kadi udi musue bonso balue kukudimuna mitshima yabo.

Rome 9:6

Kadi bualu ebu kabuena bulesha ne, Dî dia Nzambi diakuhanga. Bualu bua bonso ba mu Isalele kabena Bena Isalele bulelela, ne buonso buabo kabena bana bandi:

Dibadika 23:19

Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?

Dibadika 14:34

Bungi bua matuku anuakutentekela buloba, matuku makumi anai mene, nebuikale bungi bua bidimu binudi nutuala bujitu bua bubi buenu, nenumanye ne mbualu bukole hangumuka kunudi.

Yirmeya 15:18

Kanyinganyinga kanyi kadi ka kashidi, mputa wanyi wa lubangu udi uhidia kumishibua bua tshinyi? Wewe newikale kundi bu kasulu ka mai kadi kadinga bantu ne bu mai adi akama, anyi?

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

2 Samuele 14:14

Bualu bua butudi nʼabu mbua kufua; tudi bu mai akelabo ha buloba, kabena bamanye mua kuasuna kabidi; Nzambi kena unyenga muoyo wa muntu, kadi udi ulongolola bua muntu udibo bihata kikadi bu muntu mubengibue kudiye.

Misambu 13:2

Musangu bule munyi undi mua kuikala ne ntatu munda muanyi, ne kanyinganyinga mu mutshima wanyi ku dituku ku dituku? Muena lukuna wanyi neadibandishe ku mutu kuanyi musangu bule munyi?

Misambu 74:1

Wewe Nzambi, bualu kai wakutubenga tshiendelele? Tshiji tshiebe tshidi tshihatuila mikoko ya mu tshidilu tshiebe tshidi ne mashinde muishi wa kahia bua tshinyi?

Misambu 85:6

Kuena utusangasha kabidi, bua bantu bebe basanke bualu buebe, anyi?