Misambu 7:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa, ujuke biebe mu tshiji tshiebe, udibisbe bua kutamba tshiji tshia bena lukuna banyi bukole, utabale bua bualu buanyi mu kulumbulula kuwakusungula.

MUKANDA WA MYIDI MUKULU

⁶ nanku muluishi andondakaje, ankuate, antue miseba, andiatakaje pantshidi ne muoyi. Bualu nkadi muena tshibawu tshia lufu!

Misambu 7:6 Referans Kwoze

Misambu 44:23

Mukelenge, utabale! Udi ulala tulu bua tshinyi? Bika; kumbengi tshiendelele!

Misambu 35:23

Udisonsole, utabale bua kukosa nsambu yanyi biakane; bua kunkuatshisha mu tshilumbu tshianyi, Nzambi wanyi ne Mukelenge wanyi.

Misambu 3:7

Juka bieba, Yehowa, ansungile, Nzambi wanyi. Bualu bua wewe wakakuma bena lukuna banyi bonso ku matama abo, Wakatshibula menu a bantu babi.

Yeshaya 33:10

Yehowa udi Wamba ne, Nenjuke mpindiu, nendibishe mpindiu, nentumbishibue mpindiu.

Misambu 138:7

Nansha bingenda munkatshi mua makenga, wewe neusangashe muoyo wanyi. Udi wolola tshianza tshiebe bua kukanda tshiji tshia badi nʼanyi lukuna, tshianza tshiebe tshia balume tshidi tshinsungila.

Misambu 44:26

Juka biebe bua kutukuatshisha, utuhikule bua luse luebe lujalame.

Yeshaya 51:9

Tabala, tabala, udiluatshishe bukole, wewe, diboko dia Yehowa! Tabala bu muwakenza mu matuku a kale, mu bikondo biakamana kuhita kale. Kenguewe wakakosa Lahaba bituha bituha, wakatubula nyama munene ne muele, anyi?

Yeshaya 37:20

Nunku, ndi nkusengelela, Yehowa Nzambi wetu, utusungile mu tshianza tshiandi, bua ba mu makelenge onso a ha buloba bamanye ne wewe Yehowa udi Nzambi nkayebe.

Yeshaya 3:13

Yehowa udi ujuka bua kusengelela bantu bandi, udi wimana kulu bua kubalumbuluisha.

Misambu 103:6

Yehowa udi wenza bienzedi biakane, udi ulumbulula biakane bua kukuatshisha bonso badi bakengeshibua.

Misambu 78:65

Hashishe Mukelenge wakatabala bu mudi muntu mubike ku tulu, bu mudi muena bukitu udi wela mbila bualu bua nyinyo wakamukuata.

Misambu 74:3

Ambula makasa ebe bua kuya ku miaba yakubutuka tshiendelele; malu mabi onso akenza muena lukuna mu muaba webe wa tshijila.

Misambu 73:20

Bu mudi bualu bua tshilota hatabala muntu, nunku, Mukelenge, hawabika, neulengulule binfuanyi biabo.

Misambu 59:5

Wewe muine Yehowa, Nzambi wa misumba, udi Nzambi wa Isalele. Juka bua kukengesha bisamba bionso bia bantu; kufuidi umue wa batungidi aba luse.

Misambu 35:1

Yehowa, ufuilakane ne badi bafuilangana nʼanyi; uluishe badi baluangana nʼanyi.

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

2 Samuele 17:14

Abashaloma wakambila Bena Isalele bonso ne, Lungenyi luakatuambila Hushai, Muena Aka, ludi luhita lua Ahitofele buimpe. Bualu bua Yehowa wakahangidisha bua kukudimuna mei mimpe akamba Ahitofele bua Yehowa enzele Abashaloma bualu bubi.

Misambu 143:3

Bua muena lukuna wakukengesha muoyo wanyi; wakututa muoyo wanyi hanshi ha buloba; wakunshikamisha mu miaba ya midima bu bantu bakafua kale.