Misambu 57:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakuandila biendedi bianyi bukuondo; muoyo wanyi wakuinamishibua hanshi. Bakunguisha dijimba ku mpala kuanyi, bobo bine bakahona munda muadi.

MUKANDA WA MYIDI MUKULU

⁶ Mvidi Mukulu, leja bumfumu buebe budi bupite diulu, ne butumbi buebe budi bukenka pa buloba bujima.

Misambu 57:6 Referans Kwoze

Misambu 145:14

Yehowa udi wimanyika bonso badi bamba kuhona, udi ubisha bonso badi biname hanshi.

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Nsumuinu 28:10

Udi uhambuisha bantu bakane bua bobo bende mu nshila mubi neahone mu dijimba didiye umbula; kadi badi ne mitshima mitoke nebahiane diakalengele.

Misambu 140:5

Badi badisue bakasokoka buteyi bua kunkuatamu, bakunsokokela masoka; bakuanda bukuondo ha buihi ne nshila, bakume ya mateyi.

Nsumuinu 29:5

Udi ubomba muena mutumba nʼandi udi wandila makasa andi bukuondo.

Misambu 142:3

Hahanga nyuma wanyi munda muanyi, wewe udi mumanye nshila wanyi. Mu nshila mundi ngendela bakunteya buteyi.

Misambu 143:4

Nunku muoyo wanyi udi uhanga munda muanyi, mutshima wanyi udi mukuatshike buowa munda muanji.

Misambu 42:6

Mutshima wanyi udi muitshikile munda muanyi, bua bualu ebu ndi nkuvuluka wewe, Nzambi, mubange ku buloba bua Yadene ne bua mu mikuna ya Hêmona, ne ku mukuna wa Misâ.

Dibadika 14:21

kadi bulelela, bu mundi ne muoyo, ne bu mudi buloba bûle tente ne butumbi bua Yehowa,

1 Kulondolola 29:10

Nunku Davidi wakavudishila Yehowa disanka ku mpala kua bantu bonso; Davidi wakamba ne, Yehowa, Nzambi wa Isalele tatu wetu, wikale ne disanka tshiendelele.

1 Kulondolola 29:11

Yehowa, bunene ne bukole ne butumbi ne kutamba ne bulengele butambe mbiebe; bualu bua bintu bionso bia mu diulu ne bia ha buloba mbiebe; Yehowa, bukelenge mbuebe, ne wewe udi ubandishibua ku mutu kua bionso.

Misambu 8:2

Mukana mua bana ne mua batshidi bamua mabele mmuwakujadika bukole buebe, bualu bua bena lukuna bebe, bua wewe mumanye mua kuhuwisha muena lukuna ne mudisombuedi.

Misambu 108:6

Bua bantu bebe baudi munange bahandishibue, ubasungile ne tshianza tshiebe tshia bukole, ungitabe.