Misambu 49:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Eu nnshila udi badi bahote mu kudieyemena kuabo bayamu; kadi badi balua ku nyima kuabo badi basanka bua mei akambabo.

MUKANDA WA MYIDI MUKULU

¹³ Bualu muntu, nansha yeye ne bintu bia bungi, kena ushala kashidi pa buloba. Neabutuke amu bu nyama.

Misambu 49:13 Referans Kwoze

Luke 12:20

Kadi Nzambi wakamuambila ne, Wewe udi muhote, butuku ebu mene badi balomba muoyo webe; bintu biwakulongolola nebikale kudi nganyi?

1 Korente 3:19

Bualu hua meshi a ha buloba ebu adi maho, te ku mesu kua Nzambi. Bua bakafunda ne, Yeye udi ukuata bena meshi mu budimu buabo.

Yirmeya 44:17

Kadi bulelela, netuenze mei onso akumana kuhatuka mukana muetu bua kuoshila mukelenge mukashi wa mu diulu musenga wa manananshi ne bua kumuhongoluela milambu ya bia kunua, bu mutuakuenza mu misoko ya Yuda ne misesu ya Yelushalema, ne tuetu ne batatu betu ne banfumu betu ne baminyampala betu. Bua mu tshikondo atshi tuakadi ne bintu bia kudia bikumbane, tuakadi ne diakalengele, katuakamona dikenga.

Muambi 3:19

Bualu bua malu adi akuata bana ba bantu adi akuata nyama kabidi; mufuafua umue mmufuafua mukuabo; bidi ne muhuya muomumue; bantu kabena bahita nyama buakane; malu onso adi hatuhu.