Misambu 46:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

MUKANDA WA MYIDI MUKULU

¹ Musambu wa mu mukanda wa mulombodi wa bena misambu ne wa mu mukanda wa misambu wa bena Kora wa kuimba ne meyi matue.

Misambu 46:1 Referans Kwoze

Misambu 145:18

Yehowa udi ha buihi ne bonso badi bamubikila, kudi bonso badi bamubikila mu bushuwa.

Misambu 9:9

Nunku Yehowa neikale tshibumba tshile kudi bantu badi bakengeshibua. Neikale tshibumba tshile kudi bantu mu tshikondo tshia ntatu.

Nsumuinu 18:10

Dina dia Yehowa didi tshibumba tshikole; mundi muakane udi unyemenaku, udi uhanduka.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 142:5

Ndi ndila kûdi, Yehowa; ndi ngamba ne, Wewe udi tshinyemenu tshianyi, udi buhianyi buanyi mu buloba bua badi ne muoyo.

Dielulula 4:7

Tshisamba kai tshidi ne nzambi ha buihi nʼabo bu mudi Yehowa, Nzambi wetu, hanuaulukila?

Nsumuinu 14:26

Udi utshina Yehowa udi ne tshieyemenu tshikole, ne bana bandi nebikale ne tshinyemenu.

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

Genese 22:14

Abalahama Wakabikila dina dia muaba au ne, Yehowa-yile; nunku badi bamba tô ne ku dituku edi ne, Mu mukuna wa Yehowa nebatuhe bintu.

Misambu 46:7

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 14:6

Nuenu nudi basue kufuisha malu akudihangidishila muhele bundu, kadi Yehowa udi tshinyemenu tshiandi.

Luke 13:34

Wewe Yelushalema, Yelushalema, utu washiha baprofete, utu wakuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Misambu 84:1

Yehowa wa misumba, ke mudi muaba webe ûdi mushikame mulengele nunku!

Misambu 85:1

Yehowa, wewe wakavuishila buloba buebe diakalengele; wakakudimuna buhika bua Yakoba, wakumuha diakalengele.

Misambu 66:1

Nuenu bonso ba ha buloba, nuelele Nzambi mbila ya disanka.

Misambu 48:1

Yehowa udi munene, udi muakane bua kumutumbisha bikole mu musoko wa Nzambi wetu, mu mukuna wandi wa tshijila.

Misambu 87:1

Bishimikidi bia musoko wandi bidi mu mikuna ya tshijila.

1 Kulondolola 15:20

ne Zekâya ne Aziele ne Shemilamota ne Yehiele ne Uni ne Eliaba ne Mâseya ne Benaya bakadi ne nzenze bua kuimbabo tshimbidi tshia Alamota;

Misambu 42:1

Bu mudi ngulungu uhuyakana, ujinga mai adi a musulu udi uhueka, nunku muoyo wanyi udi uhuyakana, ukujinga, wewe, Nzambi.