Misambu 44:2 - Mukanda wa Nzambi Dihungila Dikulukulu ne Dihungila Dihia-dihia 2003

² Wewe wakihata bisamba bia bantu ne tshianza tshiebe; kadi wakashilaku batatu mu buloba. Wakakengesha bantu bakuabo, kadi wakavudisha batatu mu miaba yonso.

MUKANDA WA MYIDI MUKULU

² Mvidi Mukulu wetu, tudi badiumvuile ne matshi etu, baledi betu ne bankambua bavua batuambile, malu manene auvua muenze ku kale mu tshikondu tshiabu.

Misambu 44:2 Referans Kwoze

Ekesode 15:17

Wewe neulue nʼabo, neubateke mu mukuna wa buhianyi buebe, muaba uwakusungula, Yehowa, ne, Nenshikamemu, muaba wa tshijila, uwakajadika ne bianza biebe.

Misambu 78:55

Wakihata bisamba bia bantu ku mpala kuabo; wakababanyina buloba bu buhianyi buabo ku muonshi wa luidi, wakashikamisha bisamba bia Bena Isalele mu nsubu yabo ya ntenta.

2 Samuele 7:10

Nensunguile bantu banyi Bena Isalele muaba, nembajadikemu bua bobo bashikame mu muaba wabo, kabena bumukamu kabidi; bantu babi kabena babatatshisha bu muakenzabo diambedi;

Yoshua 21:43

Nunku Yehowa wakaha Bena Isalele buloba buonso buakalayeye bankambua babo; bakabunyenga, bakashikamamu.

Yoshua 11:23

Nunku Yoshua wakanyenga buloba buonso bu muakambila Yehowa Mose; Yoshua wakabuabanyina Bena Isalele bu buhianyi buabo, tshisamba luseke luatshi tshisamba luseke luatshi. Buloba buakashala talalâ, kakuyi nvita.

Misambu 105:44

Wakabaha maloba a bisamba bia bantu ba bende; bakadiangatshila bintu biakaheta bantu ba bende ku mudimu wabo mukole.

Yoshua 24:12

Nakatuma matembue ku mpala kuenu, akabihata ku mpala kuenu, bakelenge babidi ba Amole mene; ka nku muele webe wa nvita, anyi ku buta buebe.

Yoshua 10:42

Bakelenge aba bonso ne buloba buabo buonso Yoshua wakanyenga musangu umue, bualu bua Yehowa, Nzambi wa Isalele, wakadila Bena Isalele nvita.

Yoshua 10:11

Hakanyemabo ku mpala kua Bena Isalele, ne hakadibo bahueka ku tshibanda tshia Bete-holona tô ne ku Azeka, Yehowa wakahamatshishila mabue a nvula mu diulu ne bakafua: bantu bakafua ku mabue a nvula bakahita bungi bua bantu bakashihabo ku miele ya nvita kudi Bena Isalele.

Yoshua 3:10

Yoshua wakamba ne, Bua bualu ebu nenumanye ne Nzambi wa muoyo udi munkatshi muenu, ne yeye kena uhanga kunuihatshila Bena Kanâna ne Bena Hiti ne Bena Hiwi ne Bena Pelizi ne Bena Gigashi ne Bena Amole ne Bena Yebuse ku mpala kuenu.

Dielulula 7:1

Halua Yehowa nʼenu mu buloba bunudi nuya bua kubuhiana, hanuihatshileye bisamba bia bungi ku mpala kuenu, Bena Hiti ne Bena Gîgashi ne Bena Amole ne Bena Kanâna ne Bena Pelizi ne Bena Hiwi ne Bena Yebuse, bisamba muanda mutekete bidi binuhita bunene ne bukole;

Dibadika 13:32

Bakalua kudi Bena Isalele ne lumu lubi lua buloba buakatentekelabo, bakamba ne, Buloba abu butuakutentekela buta buadia bantu badi bikalamu, bantu bonso batuakamonamu badi bantu ba mibidi minene.

Ekesode 34:11

Enza bu mundi nkuambila dituku edi. Mona, nengihate Bena Amole ne Bena Kanâna ne Bena Hiti ne Bena Pelizi ne Bena Hiwi ne Bena Yebuse ku mpala kuebe.

Ekesode 23:28

Nentume tuishi ku mpala kuebe bualu bua kukuihatshila Bena Hiwi ne Bena Kanâna ne Bena Hiti.

Ekesode 15:19

Bualu bua tubalu tua Palo ne makalu andi ne masalayi akadi enda ha nyima ha tubalu biakaya mu mai manene ne Yehowa wakahingasha mai ha mutu habo, kadi Bena Isalele bakenda ha buloba bûme munkatshi mua mai manene.

Ekesode 10:2

Wewe newambile muan ebe wa balume mu matshu, ne muana wa muanʼebe wa balume, malu anakuenza mu buloba bua Ejipitu, ne bimanyinu bianyi binakuenza munkatshi muabo, bua nuenu numanye ne, Meme ndi Yehowa.

Dielulula 4:38

bua kunuihatshila bisamba bidi binuhita bunene ne bukole ku mesu kuenu, ne bua kulua nʼenu mu buloba buabo bu buhianyi, bu mudi bualu ebu lelu.

Dielulula 32:7

Nuvuluke matuku a diambedi, nuelangane meji a bidimu ne bikondo bia bungi: webeshe tatu webe, ne yeye neakuleshe; ne bakulu benu, bobo nebakuambile.

Balombodi 6:13

Gideona wakamukudimuna dî ne, Mukelenge wanyi, bikala Yehowa nʼetu, malu â onso akatukuata bualu kai? Malu andi a kukema akatuambilabo kudi bakaku betu ehi, hakatuambilabo ne, Yehowa kakatuhatula mu Ejipitu, anyi? Kadi katataka Yehowa wakatula dia, wakatuma mu bianza bia Bena Midiyana.

2 Samuele 23:12

Kadi yeye wakimana munkatshi mua budimi, wakabusungila, wakashiha Bena Peleshete; Yehowa wakabayuisha luhandu lunene.

Yeshaya 51:9

Tabala, tabala, udiluatshishe bukole, wewe, diboko dia Yehowa! Tabala bu muwakenza mu matuku a kale, mu bikondo biakamana kuhita kale. Kenguewe wakakosa Lahaba bituha bituha, wakatubula nyama munene ne muele, anyi?

Yirmeya 32:23

Bakabuelamu, bakabuangata bu buloha buabo. Kadi kabakatumikila dî diebe, ne kabakenda mu mikenji yebe; kabakenza bualu bumue bua malu onso awakabambila bua kuenzabo. Nunku wewe wakubatumina malu â onso.