Misambu 4:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nuikale ne tshiji, kanuenji malu mabi; nuelangane meji a bualu ebu mu mitshima yenu hanuikala ha malulu enu, ne huwai.

MUKANDA WA MYIDI MUKULU

⁴ Numanye ne: Maweja-Nangila mmusungule muntu udi umulamata. Pandi mmubikila, udi unteleja.

Misambu 4:4 Referans Kwoze

Efeze 4:26

Nuikale ne tshishi kadi kanuenji bualu bubi; diba kadibueledi tshishi tshienu;

Misambu 77:6

Ndi nvuluka musambu unakimba butuku; ndi ngelangana meji mu mutshima wanyi muine; ne nyuma wanyi udi unanukila kukeba mua kujingulula malu.

Nsumuinu 3:7

Kuikadi umena meji ku mesu kuebe wewe; utshine Yehowa, umuke ku malu mabi.

Misambu 63:6

handi nkuvuluka ha bulalu buanyi, handi ngelangana meji a bualu buebe mu mpola ya kutentekela butuku.

Misambu 46:10

Imanai talalâ, numanye bienu ne, Meme ndi Nzambi. Nentumbishibue munkatshi mua bisamba bia bantu, nentumbishibue ha buloba.

2 Korente 13:5

Nuditete munda muenu ne nudi ne ditabusha anyi; nudijadike bienu. Kanuena badimanye ne Yesu Kilisto udi munda muenu, anyi? Udimu binuikala kanui babengibue.

Misambu 33:8

Ba ha buloba bonso batshine Yehowa; bonso badi bashikame ha buloba bikale ne buowa ku mpala kuandi.

Yobe 28:28

Hashishe, wakambila bantu ne, Monai, ditshina dia Mukelenge didi meji; ne kumuka ku malu mabi kudi kujingulula kua malu.

Nsumuinu 16:6

Luse lujalame ne lulamatu lua ku bushuwa bidi bibuikila malu mabi, ne bua ditshina diabo dia Yehowa bantu badi bahanduka mu dikenga.

Abakuke 2:20

Kadi Yehowa udi mu ntempelo wandi wa tshijila; ba ha buloba bonso bahuwe ku mpala kuandi!

Nsumuinu 16:17

Nshila wa bantu bakane nkuehuka ku malu mabi, muntu udi ulama muoyo wandi udi utangile kudiye uya.

Misambu 119:161

Baminyampala bakunkengesha kakuyi bualu, kadi mutshima wanyi udi utshina anu mei ebe.

Misambu 3:4

Ndi ndila kudi Yehowa ne dî dianyi dikole, ne yeye udi witaba kundi ne dî difuma ku mukuna wandi wa tshijila.

Misambu 2:11

Nukuatshile Yehowa mudimu ne dishina, nusanke nʼandi ne nuzakale diatshimue.

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.

Misambu 3:2

Ba bungi badiku badi bambila mutshima wanyi ne, Kakuena luhandu luebe kudi Nzambi.

Misambu 17:6

Nzambi, ndi nkubikila, bualu bua wewe newitabe kundi. Teleja matshu ebe kundi, unvua dî dianyi.