Misambu 32:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

MUKANDA WA MYIDI MUKULU

¹¹ Maweja-Nangila anusankishe nuenu, bantu bende. Nuenu badi bamuitaba, katshilayi, tuayi tshianga.

Misambu 32:11 Referans Kwoze

Misambu 64:10

Bantu bakane nebasanke mu Yehowa, nebanyemene kudiye; bonso badi bakane mu mitshima yabo nebalumbile kudiye.

Filipe 4:4

Nusanke mu Mukelenge misangu yonso, nengambe tshiakabidi ne, Nusanke.

Misambu 97:12

Nusanke bienu mu Yehowa, nuenu bantu bakane; numusakidile hanuavuluka tshijila tshiandi.

Misambu 97:1

Yehowa udi ukokesha; buloha busanke; maloba mavule a ku muelelu wa mai manene ikale ne disanka.

Misambu 5:11

Nunku bonso badi banyemena kudi basanke, bele mbila ya disanka tshiendelele; ne wewe neubalame; bonso badi bananga dina diebe bikale ne disanka kûdi.

Misambu 68:3

Kadi bantu bakane bikale ne disanka, balumbile ku mpala kua Nzambi; e, basanke bikole mu disanka diabo.

Misambu 33:1

Nuenu bantu bakane, nusanke mu Yehowa. Kutumbisha Nzambi kudi kuakanangana ne bantu bakane.

Dielulula 12:12

Nenuikale ne disanka dia Yehowa, Nzambi wenu, ne nuenu ne bana benu balume ne bana benu bakashi, ne bahika benu balume ne bahika benu bakashi, ne Bena Lewi badi ku mbelu kuenu badi kabayi ne buhianyi kunudi.

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

Filipe 3:1

Tshiashadidi mpindiu, bana betu, nusanke mu Mukelenge. Kunufundila malu momumue kakuena kuntonda, kadi kudi kunukuatshisha nuenu.

Rome 5:11

Kemuanda eu nkayau, kadi tudi tutumbila kabidi mu Nzambi bua Mukelenge wetu Yesu Kilisto, kutudi bahete dilengesha kudiye mpindiu.

Zekâya 4:7

Wewe, mukuna eu munene, udi tshinyi? Ku mpala kua Zelubabela nebakulandakashe bu mpata. Yeye neahatule dibue dia ku musonga wa nsubu helabo mbila ne, Diakalengele, diakalengele dikale kudidi.

Misambu 125:4

Yehowa, wenzele bantu bakane bimpe, ne badi bakane mu mitshima yabo.

Misambu 32:2

Disanka didi kudi muntu udi Yehowa kayi ubadila dihambuka diandi dia ku buakane, ne udi kayi ne lubombo mu mutshima wandi!

Misambu 7:10

Ngabu wanyi udi kudi Nzambi, udi usungila badi ne mitshima miakane.

1 Samuele 2:1

Hana wakatendelela, wakamba ne, Mutshima wanyi udi utumbishibua mu Yehowa; lusengu luanyi ludi lubandishibua mu Yehowa. Mukana muanyi mudi mudiundishibua kudi bakadi nʼanyi lukuna: bualu bua meme ndi nsanka mu luhandu luebe.

Misambu 98:4

Nuelele Yehowa mbila ya disanka, nuenu bonso ba ha buloba; bandishai mei enu mu kuimba kua misambu bua disanka dienu; e, nuimbe misambu ya kumutumbisha nʼai.