Misambu 30:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ke, Yehowa Nzambi wanyi, nakadila kudi bua wewe unkuatshishe, ne wewe wakunsangasha.

MUKANDA WA MYIDI MUKULU

² Maweja-Nangila, ndi nkutumbisha, bualu uvua mumpandishe, kuvua muanyishe bua baluishi banyi banseke.

Misambu 30:2 Referans Kwoze

2 Bakalenga 20:5

Walukile, Wambile Hezikiya, mukelenge wa bantu banyi, ne, Yehowa, Nzambi wa Davidi tatu webe, udi wamba ne, Nakunvua kulomba kuebe ne nakutangila binsonshi biebe, nenkuondahe; hahita matuku asatu, wewe neubuele mu nsubu wa Yehowa.

Misambu 6:2

Yehowa, unfuile luse, bualu bua ndi ngamba kuteketa; Yehowa, unsangashe, bualu bua mifuba yanyi idi izakala.

Misambu 147:3

Udi ukolesha badi ne mitshima minyingalale, udi ujingila bilulu ha mputa yabo.

Ekesode 15:26

wakabambila ne, Binuatumikila di dia Yehowa Nzambi wenu, binuenza malu adi mimpe ku mesu kuandi, ne binuateleja matshu kudi mikenji yandi, binuenza mei andi onso, tshiena nnutumina nansha disama dimue dinakatumina Bena Ejipitu, bualu bua meme ndi Yehowa udi unuondaha.

Misambu 88:13

Kadi meme hanyi, Yehowa, nakudila kûdi; hatshia butuku, kutendelela kuanyi nekufike kûdi.

Genese 20:17

Abalahama wakalomba Nzambi, ne yeye wakakolesha Abimeleke ne mukashi wandi ne bena mudimu bandi ba bakashi, ne bobo bakalela bana.

Misambu 51:8

Ungunvuishe mei a disanka ne a musangelu mu matshu anyi; bua mifuba iwakutshibula isanke.

Misambu 118:18

Yehowa wakunkengesha bikole, kadi kakanfikisha ku lufu.

Misambu 35:24

Yehowa Nzambi wanyi, unkosele tshilumbu tshianyi bu mudi buakane buebe; bobo kabasanki bualu buanyi.

Misambu 41:12

Kadi mundi ngamba bua bualu buanyi, wewe udi unkolesha bualu bua buakane buanyi, udi unshikika ku mesu kuebe tshiendelele.

Misambu 145:1

Nenkutumbishe, Nzambi wanyi, Mukelenge wanyi. Nenvudishile dina diebe disanka tô ne tshiendelele.