Misambu 25:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nzambi wanyi, nakukueyemena wewe; kuitabushi bua banfuishe bundu; kuitabushi bua bena lukuna banyi bampite bukole.

MUKANDA WA MYIDI MUKULU

² Mvidi Mukulu wanyi, ndi ndifila kuudi. Kumfuishi bundu, bena lukuna banyi kabanseki!

Misambu 25:2 Referans Kwoze

Rome 10:11

Mukanda wa Nzambi udi wamba ne, Wamuitabusha kena ufuishibua bundu.

Misambu 41:11

Ku muanda eu ndi mumanye ne, Wewe udi usanka bua bualu buanyi, bualu bua muena lukuna wanyi kakumpita bukole.

Misambu 71:1

Yehowa, ndi nyemena kudi; kabanfuishi bundu ku mesu tshiendelele!

Rome 5:5

Ne ditekemena kadiena difuisha bundu, bualu bua luse lua Nzambi luakitshikila mu mitshima yetu kudi Nyuma Muimpe wakafukeye.

Misambu 22:5

Bakadila kûdi, bakahandishibua; bakakueyemena, kabakafuishibua bundu.

Misambu 142:6

Unvua kudila kuanyi, bualu bua ndi mutambe kuhuekeshibua hanshi. Umpandishe mu bianza bia bakengeshi banyi, bualu bua badi bampita bukole.

Misambu 31:1

Yehowa, ndi nnyemena kûdi; kuitabushi bua meme kufuishibua bundu kashidi, unsungile bua buakane buebe.

Yeshaya 37:35

Bualu bua nenduile bena musoko eu nvita bua kubasungila, bua bualu buanyi ne bua bualu bua muntu wanyi Davidi.

Misambu 34:8

Teta, ulabule, unvue ne, Yehowa udi muakane; disanka didi kudi muntu udi unyemena kudiye!

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Misambu 94:3

Yehowa, bantu babi nebenze nunku musangu bule munyi? Bantu babi nebatumbe musangu bule munyi?

1 Petro 2:6

Bualu bua dî didi mu Mukanda wa Nzambi ne, Tangilai, udi nteka mu Siona dibue dinene dia mu ditumba dia nsubu, disungula ne dia mushinga mukole; Weyemena kudidi kena ufuishibua bundu.

Yeshaya 49:23

Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

Yeshaya 37:20

Nunku, ndi nkusengelela, Yehowa Nzambi wetu, utusungile mu tshianza tshiandi, bua ba mu makelenge onso a ha buloba bamanye ne wewe Yehowa udi Nzambi nkayebe.

Misambu 37:40

Yehowa udi ubakuatshisha, udi ubasungila; udi ubabandisha mu bianza bia bantu babi, udi ubasungila, bualu bua badi banyemena kudiye.

Misambu 18:2

Yehowa udi dibue dianyi, musoko wanyi wa ngumbu ya nvita, ne musungidi wanyi. Udi Nzambi wanyi, dibue dianyi mundi nnyemenamu. Udi ngabu wanyi, ne lusengu lua luhandu luanyi, tshibumba tshianyi tshile.

Misambu 7:1

Yehowa, Nzambi wanyi, ndi munyemene kûdi. Unsungile kudi bantu bonso badi bangihata, umpandishe.

Misambu 22:8

Wakadifila kudi Yehowa; yeye amusungile, yeye amuhandishe, bualu bua udi usanka bualu buandi!

Misambu 22:1

Nzambi wanyi, Nzambi wanyi, wakundekela tshinyi? Bualu kai wewe udi aku kule kuyi unkuatshisha, kuyi unvua mei a kutua kuanyi kua mikemu?

Yeshaya 41:16

Neuyibehuishe, ne luhehele neluyihehule, ne nvunde neayimuangalashe; ne wewe neusanke mu Yehowa, neutumbile mu Wa Tshijila wa Isalele.

Yeshaya 37:10

Nuambile Hezikiya, mukelenge wa Yuda, ne, Nzambi webe ûdi weyemena kakudingi nansha, hambeye ne, Kabena bafila Yelushalema mu bianza bia mukelenge wa Ashû.

Yeshaya 28:16

Bua mei â Mukelenge Yehowa udi wamba ne, Tangilai, ndi nteka dibue mu Siona bua kuasahu bishimikidi bia nsubu, ndibue diakutetshibua bimpe, dibue dia mushinga mukole didi ditumba dia mu bishimikidi bijadikibue bikole; waditabusha kena udiendesha lukasa.

Misambu 56:1

Nzambi, unfuile luse, bualu bua bantu badi bandiatakasha muinshi mua makasa; dinda tô ne ku dilolo bena nvita badi bankengesha.

2 Kulondolola 13:18

Nunku Bena Isalele bakateketa tshikondo atshi, ne Bena Yuda bakabahita bukole bualu bua bobo bakeyemena Yehowa, Nzambi wa bankambua babo.

Misambu 13:5

Kadi nakueyemena luse luebe; mutshima wanyi neusanke bua luhandu luebe.

Misambu 31:2

Teleja matshu ebe kundi, umpandishe lubilu! Wikale dibue dia luhandu kundi, wikale musoko wa ngumbu ya nvita bua kunsungila!

Misambu 31:15

Bikondo bianyi bidi mu bianza biebe; umpandishe mu bianza bia badi nʼanyi lukuna, kudi badi bankengesha.

Misambu 91:2

Nengambe bua Yehowa ne, Yeye udi tshinyemenu tshianyi ne musoko wanyi munyunguluke ne Nzambi wanyi undi ngeyemena.

Yirmeya 17:18

Bantu badi bankengesha bafuishibue bundu kadi kuitabushi bua meme kufuishibua bundu; bobo batshinyishibue, kadi kuitabushi bua meme kutshinyishibua; ubavuishile dituku dia dikenga, ne ubabutule ne kubutuka kua misangu ibidi.