Misambu 22:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Balume ba ngombe ba bungi badi bannyunguluka, balume ba ngombe bakole ba mu Bashana badi banjika nseke yonso.

MUKANDA WA MYIDI MUKULU

¹² Kushadi kule, bualu ndi mu dikenga! Kakuena udi mua kungambuluisha, amu wewe!

Misambu 22:12 Referans Kwoze

Misambu 68:30

Ubele biebe nyama ya munkatshi mua ntuhu, ubele tshisumbu tshia balume ba ngombe diatshimue ne bana ba ngombe ba bantu. Udiate bantu aba muinshi mua makasa ebe badi balua kukokela kûdi ne bituha bia tshiamu tshia argent. Umuangalashe bantu badi basanka bua kuluangana nvita.

Bienzedi 4:27

Bulelela, mu musoko eu, Helode ne Pontio Pilato ne bisamba bia bende ne Bena Isalele bakadisangisha bua kuelela Muana webe wa tshijila Yesu, uwakela manyi ha mutu, tshifufu,

Matayi 27:1

Hakatshia butuku, bakuidi banene bonso ne bakulu ba bantu bakasangisha dî diabo ne, Tushihai Yesu;

Yezekiyele 39:18

Nenudie munyinyi wa bena bukitu, nentume mashi a bakokeshi ba ha buloba, bimpanga, bana ba mikoko, mpumbu ya mbushi, balume ba ngombe, bionso nnyama ya manyi ya ku Bashana.

Yirmeya 50:11

Bualu bua nudi nusanka ne nudi nuseka, nuenu badi bahaula buhianyi buanyi, bualu bua nudi nunaya bu lukungulu lua ngombe mu mashinde, ne nudi nukungula bu balume ba tubalu;

Yeshaya 34:7

Ngombe ya mu mpata neyihueke nʼai ku tshishihelu, ngombe idi mihakula ne balume ba ngombe hohamue. Buloba buabo nebukuatshike mashi, dinfuenkenya diabo nedivuishibue diule tente ne mafuta.

Misambu 7:3

Yehowa, Nzambi wanyi, bingikala muenze bualu ebu; bingikala ne bualu bubi mu bianza bianyi;

Misambu 35:22

Yehowa, wewe wakumona bualu ebu; kuhuwu nansha. Mukelenge, kuikadi nʼanyi kule.

Misambu 38:22

Udiendeshe lubilu bua kunkuatshisha, Mukelenge, luhandu luanyi!

Misambu 40:14

Bantu aba bafuishibue bundu ne babuandakashibue, buonso buabo diatshimue, badi bakeba muoyo wanyi bua kûmushaku. Balukishibue tshianyima ne bakeheshibue, bobo mene badi basue kungenzela bibi.

Misambu 69:18

Usemene ha buihi ne muoyo wanyi, ûhikule; umpikule bua bena lukuna banyi.

Misambu 70:2

Badi bakeba muoyo wanyi, bafuishibue bundu ne babuandakashibue. Badi basanka bua kungenzela bibi, balukishibue tshianyima, bakeheshibue.