Misambu 2:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye udi mushikame mu diulu udi useka, Mukelenge udi uhahetula.

MUKANDA WA MYIDI MUKULU

⁴ Kadi Maweja-Nangila udi ubaseka. Udi musombe mu diulu, udi mutendule.

Misambu 2:4 Referans Kwoze

Misambu 37:13

Mukelenge udi umuseka, bualu bua udi umona ne, Dituku dia kumukengesha dilualua.

Misambu 59:8

Kadi wewe Yehowa, udi ubaseka; udi uhetula ba mu bisamba bia bantu bionso.

Yeshaya 40:22

Nyeye udi mushikame ha mutu ha mukalu udi utuangasha buloba ne diulu ne ba ha buloba badi bu mpasu; udi uvungulula bia mu diulu bu tshilulu tshikudika, udi ubibalulula bu ntenta wa kushikamamu.

Nsumuinu 1:26

Meme kabidi nenseke halua dikenga dienu; nennubingile hanukuata buowa;

Misambu 11:4

Yehowa udi mu ntempelo wandi wa tshijila, Yehowa mene udi ne nkuasa wandi wa butumbi mu diulu. Mesu andi adi amena, bilafinyi biandi bidi biteta bana ba bantu.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Misambu 115:3

Kadi Nzambi wetu udi mu diulu, yeye utu wenza malu onso adiye musue.

Misambu 53:5

Ku muaba wawa badi ne buowa bukole, bakuatshike buowa buakadi kabuyiku diambedi. Bualu bua Nzambi neatangadishe mifuba ya muntu udi wasa tshitudilu tshiandi bua kukuluisha. Wewe neubafuishe bundu ku mesu bualu bua Nzambi wakubabenga.

Yeshaya 66:1

Yehowa udi wamba dî edi ne, Diulu didi nkuasa wanyi wa bukelenge ne buloba budi tshitekelu tshia muinshi mua makasa anyi; nenungibakile nsubu kai? Muaba kai newikale tshikishilu tshianyi?

Misambu 68:33

Nuimbile udi wenda mubande ha mutu ha diulu misambu, ha diulu mene diakadiku kale kale. Monai, udi wela dî diandi, dî diandi dikole mene.

2 Bakalenga 19:21

Edi ndî diakamba Yehowa bualu buandi: Mukashi utshidi kamama wa mu Siona wakakulengulula, wakakuseka; muana mukashi wa Yelushalema wakakukuila mutu.

Misambu 59:9

Wewe, Bukole buanyi, nenkuindile ne ditekemena, bua Nzambi udi tshibumba tshianyi tshile.

Misambu 123:1

Ndi mbandisha mesu anyi kûdi, wewe udi mushikame mu diulu.