Misambu 19:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muntu webe udi mudimushibue kabidi kudibi; ne mu kutumikila kuabi mudi bukenji bunene.

MUKANDA WA MYIDI MUKULU

¹¹ Mikenji yende mmipite tshiamu tshia mpawungi mushinga, idi mimpe, mipite buitshi busheme.

Misambu 19:11 Referans Kwoze

2 Yone 1:8

Nudilame bua kanujimishi midima ituakenza, kadi bua nuenu nuangate difutu dikumbane,

Misambu 119:11

Nakulama dî diebe mu mutshima wanyi, bua meme tshikuenzedi bibi.

Yakobe 1:25

Kadi udi utangilatangila mikenshi miakane tshishiki ya budishikaminyi, ne udi ushalamu, kai muikale munvui udi uhua muoyo, kadi muikale muenji wa mudimu udi uwenza, muntu eu neikale ne disanka mu kuenza kuandi.

Nsumuinu 29:18

Bikalaku kakuyi tshikena kumona tshia muprofete, bantu badi balekela kudikanda; kadi udi utumikila diyisha dia mikenji udi ne disanka.

Matayi 6:4

nunku uhe bantu bintu biebe bia luse mu musokoko, ne Tatu webe udi umona mu musokoko neakuhe.

Didimanyisha 14:13

Nakunvua dî difuma mu diulu diamba ne, Funda ne, Bafue badi bafua mu Mukelenge badi ne disanka katataka tô ne tshiendelele. Nyuma udi wamba ne, E, bua bobo bikishe ku midimu yabo, bienzedi biabo bidi biya nʼabo.

Ebrewu 11:26

ubala bihendu bidi bua Kilisto bu bubanshi bunene buhita bibutshidibue bia mu Ejipitu, bualu bua wakatangila tô ne ku dihingishila dia difutu.

1 Tesalonike 5:14

Bana betu, tudi tunusengelela ne, Nudimushe batshimbakanyi, nukoleshe badi ne mitshima yamba kuhanga, nukuatshishe badi batekete, nuikale ne lutulu kudi bantu bonso.

Matayi 3:7

Kadi hakamoneye Bafalese ba bungi ne Basadoke balua kubatijibua, yeye wakabakonka ne, Nuenu bana ba nyoka, wakunudimusha bua kunyema ku mulau ulualua nganyi?

1 Korente 4:14

Tshiena nfunda malu â bua kunufuisha bundu, kadi bua kunudimusha bu bana banyi bananga.

Bienzedi 20:31

Nunku dimukai, neuluke bu munakadi tshi mulekele tô bidimu bisatu bua kunudimusha muntu ne muntu butuku ne munya ne binsonshi ku mesu.

Matayi 6:18

nunku bantu kabakumonyi ne, Udi mujile bia kudia; kadi Tatu webe udi mu musokoko neakumone; ne Tatu webe udi umona mu musokoko neakuhe.

Nsumuinu 11:18

Muntu mubi udi wangata difutu didi dimudinga, kadi udi ukuna buakane udi uheta difutu dia bushuwa.

2 Kulondolola 19:10

Bialua bana benu ba ku misoko yonso kunudi ne tshilumbu tshia mashi ne mashi, nansha tshia mikenji, nansha tshia mei mafunda a Yehowa, nansha tshia mei andi majalame, bunudi nʼabu mbua kubadimusha bua bobo kabahidi kudi Yehowa, bua Yehowa kaleshi tshiji tshiandi kunudi ne kudi bana benu; binuenza nunku, kanuena nuhila.

Matayi 6:6

Kadi wewe, hawatendelela Nzambi, ubuele mu kasubu kebe ka tshisokomenu, winshile tshibi, utendelele Tatu webe, udi biandi mu tshisokomenu, ne Tatu webe udi umona mu musokoko neakuhe.

Misambu 119:72

Mikenji ya mukana muebe idi ihita bituha binunu bia biamu bia or ne bia argent kundi.

Misambu 119:103

Mona mudi mei ebe mashemakane handi ngalabula, mahite buitshi kushemakana mukana muanyi!

Nsumuinu 24:14

Wamanya ne meji adi muomumue ku muoyo webe: Biwâheta, malu mimpe makuabo nealue kûdi, ne ditekemena diebe kadiena dijimina.

Yezekiyele 3:3

Wakangambila ne, Muana wa muntu, diaku mukanda eu undi nkuha, ûhatshishe munda muebe tente. Nunku nakaudia; ne wakadi mutue nse-nse bu buitshi mukana muanyi.