Misambu 15:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kena usombesha bakuabo argent yandi bua kuangateye kasombela kudibo, kena witabusha dibueshila bua kunyangeye tshilumbu tshia muntu udi kayi ne bualu. Muntu udi wenza malu â kena unyungishibua tshiendelele.

MUKANDA WA MYIDI MUKULU

⁵ Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Misambu 15:5 Referans Kwoze

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Ekesode 22:25

Biwasombesha mukuabo muhele wa munkatshi mua bantu banyi argent, kumubadi bu muena dibanza, kumulombi tshia kasombelu.

Yezekiyele 22:12

Mukelenge Yehowa udi wamba ne, Bakuabo ba munkatshi muenu bakuitabusha mbueshilu bua kumatshisha mashi a bakuabo hanshi; wewe wakulomba bia kasombela ne bia makasa, wakunyenga bintu kudi bena mutumba nʼebe ku bukole; wakumpua muoyo.

Yezekiyele 18:8

bikaleye kayi musombeshe mukuabo bintu bua kuheta kasombelu ka ha mutu, kayi mudiangatshile makasa; biumusheye tshianza tshiandi ku malu mabi, biakoseye bilumbu bia hankatshi ha muntu ne muntu anu ne kulumbulula kuakane,

Yowanane 13:17

Binuamanya malu â, nenuikale ne disanka binuâenza.

Nsumuinu 12:3

Muntu kena mushindame ku malu mabi, kadi muji wa bantu bakane kawena unyungishibua.

Misambu 112:6

Bualu bua kabena bamunyungisha tshiendelele, nebavuluke muntu muakane kashidi.

Misambu 106:3

Disanka didi kudi badi balonda kulumbulula kuakane, ne badi benza malu makane misangu yonso.

Misambu 55:22

Teka bujitu buebe hamʼbidi ha Yehowa, ne yeye neakukoleshe; kena witabusha tshiendelele bua bantu bakane banyungishibue.

Misambu 16:8

Nakuteka Yehowa ku mpala kuanyi misangu yonso; bualu bua yeye udi ku tshianza tshianyi tshia balume tshiena nyungishibua.

Matayi 26:15

wakamba ne, Nenumpe tshinyi, nmufile mu bianza bienu? Bakidikisha bujitu bua bituha bia mpalata makumi asatu, bakamuhabi.

Mika 7:3

Bianza biabo bidi ku malu mabi bua kuaenza lukasa; mukokeshi ne mulumbuluishi badi bakeba mbueshilu; muntu munene udi wamba bubi budi mutshima wandi musue kuenza; nunku badi banyanga malu makane hohamue.

Yezekiyele 18:27

Kadi bialekela muntu mubi bubi buakadiye wenza ne bienzeye malu adi makanangane ne mikenji ne malu adi makane, neahandishe muoyo wandi.

Yezekiyele 18:17

udi umusha tshianza tshiandi ku malu mabi, udi kayi wangata kasombela anyi makasa, udi ulonda mikenji yanyi, udi utumikila mei anyi; muntu eu kena ufua bua bubi bua tatu wandi, neikale ne muoyo bulelela.

Yeshaya 33:15

Nyeye udi wenda mu buakane, udi wakula mei makane; udi uhetula luhetu ludi bantu baheta ku mashimi, udi utu tula bianza biandi bua kumushahu kulenga kua mbueshilu, udi ujibika matshu andi bua kaunvu lumu lua kumatshisha kua mashi, udi ubuikila mesu andi bua kâmonyi malu mabi,

Ekesode 22:24

ne tshiji tshianyi netshitambe bukole, nennushihe ne muele wa nvita, ne bakashi benu nebikale bakashi ba mu lufuila ne bana benu nebikale bana ba nshiya.

Dielulula 23:21

Hanuaditshiha ku mesu kua Yehowa, Nzambi wenu, kanuhangi kushikisha mitshihu yenu; bualu bua Yehowa, Nzambi wenu, nealombe bua nuyishikishe; ne bualu ebu nebuikale bubi kunudi binuahanga kuyisbikisha.

1 Samuele 12:3

Ndiku: numpishe ku mesu kua Yehowa ne ku mesu kua wandi wakedibua manyi: Meme nakunyenga ngombe wa nganyi? Nakunyenga nyama wa mpunda wa nganyi? Nakuiba bintu bia nganyi? Nakukengesha muntu kai tshianana? Nakuitabusha bintu bia mbueshilu kudi nganyi bua meme kubuikila mesu anyi kudiye? Nungambile, ne meme nemuhingishilebi.

Nsumuinu 10:30

Muntu muakane kena umushibua kashidi, kadi bantu babi kabena bashikama ha buloba.

Nsumuinu 15:27

Muntu udi ne lukuka lua luhetu udi ukengesha ba mu nsubu muandi, kadi udi ukina mbueshilu neikale ne muoyo.