Misambu 148:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ kahia ne mabue a nvula, neige ne dibungi, tshihehele tshikole tshidi tshitumikila mukenji wandi!

MUKANDA WA MYIDI MUKULU

⁸ nuenu kabidi kapia ne mabue a mvula, neje ne dibungi, tshipepele tshidi tshitumikila diyi diende, numutumbishe.

Misambu 148:8 Referans Kwoze

Didimanyisha 16:21

Ne mabue a nvula manene a bujitu bua ntalanta adi afuma mu diulu adi ahonena bantu; ne bantu bakahenda Nzambi bualu bua dikenga dia mabue a nvula; bualu bua dikenga diau diakatamba bunene.

Yona 1:4

Kadi Yehowa wakatuma tshihehele tshikole ha mai manene, ne tshihuhu tshikole tshiakadi ha mai manene; buatu buakamba kutshibuka.

Amosa 7:4

Mukelenge Yehowa wakandesha tshikena kumona etshi: Monai, Mukelenge Yehowa wakela dî bua kutuma kahia; ne kakakamisha mai manene, kakadi kamba kuhidisha buloba kabidi.

Amosa 4:13

Monai, yeye udi wimanyika mikuna ne udi utuma luhehele, udi umanyisha muntu meji adi munda muandi, udi uvuisha kabundubundu midima, udi wenda ha miaba mibandile ya ha buloba; Yehowa, Nzambi wa misumba, ndina diandi.

Yowele 2:30

Nendeshe bantu malu a kukema mu ditu ne ha buloba: mashi, kahia ne mulanjilanji wa muishi.

Yeshaya 66:16

Bualu bua Yehowa neashikishe dikosa diandi dia bilumbu ne kahia, ne ku muele wa nvita hamʼbidi ha bantu bonso; ne badi bashihibua kudi Yehowa nebikale bangi.

Misambu 103:20

Nuvudishile Yehowa disanka, nuenu banjelo bandi, badi bena bukitu mu bukole buabo, badi benza dî didiye wamba, badi batumikila dî dia mukenji wandi

Misambu 18:12

Mu dikenka diakadi ku mpala kuandi muakahatuka matutu andi manene akadi ne mabue a nvula ne makala a kahia.

Yoshua 10:11

Hakanyemabo ku mpala kua Bena Isalele, ne hakadibo bahueka ku tshibanda tshia Bete-holona tô ne ku Azeka, Yehowa wakahamatshishila mabue a nvula mu diulu ne bakafua: bantu bakafua ku mabue a nvula bakahita bungi bua bantu bakashihabo ku miele ya nvita kudi Bena Isalele.

Dibadika 16:35

Kahia bakahatuka kudi Yehowa, kakosha balume nkama ibidi ne makumi atanu bakadi bafila musenga wa manananshi.

Lewitiki 10:2

Kahia bakahatuka kudi Yehowa, kakabosha, bakafua ku mpala kua Yehowa.

Ekesode 14:21

Mose wakolola tshianza tshiandi ha mai, ne Yehowa wakatuma luhehele lukole lua ku esete, wakahingasha mai butuku abu buonso, buloba bûme buakamueneka kuakadi mai, mai akahanduluka.

Ekesode 10:19

Yehowa wakatuma luhehele lukole lua ku wesete, bakabandisha mikumbi, luakayihata mu Dishiba Dikunze, nansha mukumbi umue wakashala mu buloba bua Ejipitu.

Ekesode 10:13

Mose wakolola mula ngala wandi ha buloba bua Ejipitu, ne Yehowa wakatuma luhehele luaku esete dituku adi to ne hakatshia butuku, ne dinda luhehele lua ku esete luakatuma mikumbi.

Genese 19:24

Hashishe, Yehowa wakamatshisha mu Sodoma ne Amola soufre ne kalua bia mu diulu kudi Yehowa.

Yobe 37:12

Adi anyunguluka ne adi akudimuka ku bulombodi buandi, bua wowo enze malu onso adiye wâmbila bua kuenzau hanshi ha buloba hadi bantu.

Yona 1:5

Hashishe, bena buatu bakakuatshika buowa, muntu ne muntu wakadila kudi nzambi wandi; bakahatula bintu biakadibo nʼabi mu buatu ne bakabiela mu mai manene bua kubuhehesha. Kadi Yona wakadi mumane kuhueka mu nsubu mukuabo wa munda mua buatu, wakadi mulale tulu tukole.