Misambu 147:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mukelenge wetu udi munene, udi ne bukole bukumbane; dijingulula diandi dia malu kadiena ne kunfudilu kuadi.

MUKANDA WA MYIDI MUKULU

⁵ Maweja-Nangila wetu mmunene. Udi ne bukole buonsu, lungenyi luende kaluena kuamba.

Misambu 147:5 Referans Kwoze

Yeshaya 40:28

Kuakumanya, anyi? Kuakunvua, anyi? Yehowa udi Nzambi wa tshiendelele, Mufuki wa nseke yonso ya ha buloba tô ne kunfudilu kuabu. Yeye kena uteketa nansha, kena uhungila nansha; kakuena muntu udi mua kumanya kujingulula kuandi kua malu biakebeye kukumanya.

Misambu 96:4

Bualu bua Yehowa udi munene, budiye nʼabu mbua kutumbishibua bikole; budiye nʼabu mbua kunemeshibua ha mutu ha nzambi yonso ya hatuhu.

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!

Nahume 1:3

Yehowa kena ukuata tshiji lukasa, udi ne bukole bua bungi, kadi kena ubingisha badi bahila bua bubi, nansha kakese. Yehowa udi ne nshila wandi mu nvunde ne mu tshihuhu, matutu adi luhuishi lua ku makasa andi.

Misambu 48:1

Yehowa udi munene, udi muakane bua kumutumbisha bikole mu musoko wa Nzambi wetu, mu mukuna wandi wa tshijila.

Misambu 40:5

Yehowa Nzambi wanyi, wakuvudisha malu a kukema awakuenza ne malu awakuhangidisha bua kutuenzela, kakuena mukuabo utudi bamanye mua kuelekesha nʼebe. Binakeba kualondolola ne bua kuambila bantu malu â, neampite bua kuabala.

Yirmeya 10:6

Kakuena mukuabo bu wewe, Yehowa; wewe udi munene, dina diebe didi dinene mu bukole buadi.

1 Kulondolola 16:25

Bualu bua Yehowa udi munene, budiye nʼabu mbua kutumbishibua bikole; budiye nʼabu mbua kunemeshibua ha mutu ha nzambi yonso ya hatuhu.

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Misambu 145:3

Yehowa udi munene, budiye nʼabu mbua kutumbishibua bikole. Bunene buandi kabuena mua kujinguludibua.

Misambu 99:2

Yehowa udi munene mu Siona; udi mubandishibue kulu ba mutu ha bantu bonso.

Misambu 135:5

Bualu bua ndi mumanye ne, Yehowa udi munene, ne Mukelenge wetu udi ha mutu ha nzambi yonso

Yobe 36:5

Mona, Nzambi udi ne bukole buhite ne kena uhetula muntu, udi ne bukole buhite bua kujingulula malu.

Yirmeya 10:7

Muntu kai udiku udi kayi ne bualu bua kukunemeka, wewe Mukelenge wa bisamba bia bantu? Bua bukelenge budi buebe; bualu bua munkatshi mua bena meji bonso ba mu bisamba bia bantu, ne munkatshi mua bakelenge babo bonso, kamuena umue bu wewe.

Danyele 2:20

Danyele wakamba ne, Dina dia Yehowa ditumbishibue kashidi ne kashidi, bualu bua meji ne bukole mbiandi.