Misambu 147:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kena ne disanka bua bukole bua kabalu, kena ne disanka bua mikolo ya muntu.

MUKANDA WA MYIDI MUKULU

¹⁰ Dikanda dia nyama wa kabalu kena nadi bualu, nansha bukole bua muntu kabuena bumusankisha,

Misambu 147:10 Referans Kwoze

Misambu 20:7

Bakuabo badi beyemena makalu a nvita, bakuabo badi beyemena tubalu; kadi tuetu netutele dina dia Yehowa Nzambi wetu.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.

Yeshaya 31:1

Mulau wikale kudi bantu badi bahueka mu nshila wa ku Ejipitu bua kudiangatshila dikuatshisha diabo, badi batekemena tubalu, badi beyemena makalu a nvita bualu bua adi a bungi, ne badi babanda ha nyima ha tubalu bualu bua badi batamba bukole, kadi kabena batangila kudi Wa Tshijila wa Isalele, ne kabena bakeba lungenyi kudi Yehowa!

Muambi 9:11

Nakatangila kabidi muinshi mua diba ne, Bena lubilu lukole kabena bahita hakuaho mu kutumbila lubilu misangu yonso, nansha bena bukitu kabena bahitahita bakuabo bukole mu nvita; bena meji kabalu baheta bia kudia bionso; bena lungenyi kabatu baheta bubanji buonso; badi ne ngenzelu muimpe kabatu baheta diakalengele dionso; kadi buonso buabo badi ne bikondo bidi malu abatulukila.

Nsumuinu 21:31

Badi basakila kabalu bintu bia nvita difuku dia kuluangana, kadi luhandu lulualua kudi Yehowa.

Osheya 1:7

Kadi nenfuile Bena Yuda luse; nembahandishe ku bukole bua Yehowa Nzambi wabo, tshiena mbahandisha ku buta, anyi ku muele wa nvita, anyi ku nvita anyi ku tubalu anyi kudi bena tubalu.

2 Samuele 1:23

Shaula ne Yonatana bakadi bakane, bakadi banyishibua kudi bantu mu mioyo yabo, kabakadi bahanduluke mu lufu luabo; bakahita nyunyu ya mikanku lubilu, bakatamba nyama ya ntambue bukole.

Yobe 39:11

Wewe udi mua kumueyemena bualu bua bukole buandi budi bua bungi, ne udi mua kumushila mudimu webe wa mu budimi bua yeye kuwenza, anyi?