Misambu 142:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Umushe muoyo wanyi mu nsubu wa lukanu, bua nsakidile dina diebe. Bantu bakane nebalue kunyunguluka; bualu bua wewe neunvudishile diakalengele.

MUKANDA WA MYIDI MUKULU

⁷ Teleja muadi wanyi, bualu ndi mushikile. Umpandishe kudi bantu badi bankengesha, mbampite bukole.

Misambu 142:7 Referans Kwoze

Misambu 143:11

Yehowa, usangashe muoyo wanyi bua dina diebe. Mu buakane buebe uhatule muoyo wanyi mu dikenga.

Misambu 146:7

Udi ulumbuluila badi bakengeshibue ne kulumbulula kuakane; udi uhesha badi ne nzala bia kudia. Yehowa udi ulekesha bena lukuna;

Misambu 13:6

Nengimbile Yehowa musambu, bualu bua wakungenzela malu mimpe makumbane.

Yakobe 5:11

Monai, tudi tuidika bantu bakadikankamika ne, Badi ne disanka; nuakunyua lumu lua kudikankamika kua Yobo, nuakutangila bu muakumuenzela Mukelenge kunshikidilu, ne bu mudi Mukelenge mûle tente ne luse ne dinanga.

Bienzedi 2:24

Nzambi wakamubisha, mumane kusulula nkanu ya lufu, bualu bua kakadi mua kusuikibua kudilu tshiendelele.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Misambu 9:14

bua meme kumanyisha bantu bua butumbi buebe buonso, bua meme kusanka bua luhandu luebe ku bibi bia muana wa bakashi wa Siona.

Misambu 142:1

Ndi ndila ne dî dianyi kudi Yehowa, ndi ntendekena Yehowa ne dî dianyi.

Misambu 119:17

Wenzele muntu webe malu mimpe makumbane, bua meme ngikale ne muoyo, ne bua ntumikile dî diebe.

Misambu 116:7

Alukila ku dikisha diebe, wewe muoyo wanyi, bualu bua Yehowa wakukuenzela malu mimpe makumbane.

Misambu 119:74

Badi bakunemeka nebantangile, ne basanke, bualu bua nakutekemena dî diebe.

Misambu 34:2

Muoyo wanyi neutumbile mu Yehowa; badi bahuekele nebunvue lumu elu, nebasanke.

Misambu 31:8

ne kuakunfila mu bianza bia udi nʼanyi lukuna; wakujadika makasa anyi mu muaba munene.

Misambu 9:3

Bualu bua bena lukuna banyi badi babikila ku nyima, badi balenduka ne badi bajimina ku mesu kuebe.

Misambu 38:20

Badi bampingashila malu mabi ku malu mimpe badi nʼanyi lukuna, bualu bua ndi ndonda muanda udi muimpe.

Misambu 143:9

Yehowa, umpandishe kudi badi nʼanyi lukuna; ndi nyemena kûdi bua kusokoma.