Misambu 140:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Ndi ngambila Yehowa ne, Wewe udi Nzambi wanyi; Yehowa, teleja matshu ebe ku kutendekena kuanyi.

MUKANDA WA MYIDI MUKULU

⁶ Bena ditambisha badi banteya, badi bangela masoka ne makondu, bantekela mateyi mu njila bua kunkuata.

Misambu 140:6 Referans Kwoze

Misambu 31:14

Kadi ndi ngeyemena kudi, Yehowa, ndi ngamba ne, Wewe udi Nzambi wanyi.

Misambu 16:2

Nakuambila Yehowa ne, Wewe udi Mukelenge wanyi, tshiena ne diakalengele didi dikuhita wewe.

Misambu 142:5

Ndi ndila kûdi, Yehowa; ndi ngamba ne, Wewe udi tshinyemenu tshianyi, udi buhianyi buanyi mu buloba bua badi ne muoyo.

Misambu 119:57

Yehowa udi buhianyi buanyi; nakuamba ne, Nendame mei ebe.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Muadi 3:24

Mutshima wanyi udi wamba ne, Yehowa udi buhianyi buanyi, nunku ndi ne ditekemena dianyi kudiye.

Misambu 143:1

Yehowa, unvua kulomba kuanyi, uteleje matshu ebe ku kutendekena kuanyi, witabe kundi bua lulamatu luebe lua bushuwa, ne bua buakane buebe kabidi.

Misambu 130:2

Mukelenge, unvue dî dianyi. Matshu ebe ateleje dî dia kutendekena kuanyi.

Misambu 116:1

Ndi munange Yehowa, bualu bua wakunvua dî dianyi ne kutendakena kuanyi.

Misambu 91:2

Nengambe bua Yehowa ne, Yeye udi tshinyemenu tshianyi ne musoko wanyi munyunguluke ne Nzambi wanyi undi ngeyemena.

Misambu 64:1

Nzambi, unvua dî dianyi mu ditontolola dianyi, ulame muoyo wanyi bua kautshinyi muntu udi nʼanyi lukuna.

Misambu 57:7

Mutshima wanyi udi mushindame, Nzambi, mutshima wanyi udi mushindame. Nengimbe misambu, nenkutumbishe ne biombelu.

Misambu 142:4

Utangile ku tshianza tshianyi tshia balume, umone biebe; bua kakuena muntu udi mummanye; kakuena tshinyemenu tshia meme kunyemena, kakuena muntu udi ne muoyo wanyi bualu.

Yirmeya 18:22

Muadi wa ku nsubu unvuibue, hawabaluisha lukasa ne tshisumbu tshia masalayi, bualu bua bakumbula dijimba bua kunkuata munda muadi, ne bakusokoka mateyi bua kukuatamu makasa anyi.