Misambu 14:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Muhote udi wamba mu mutshima wandi ne, Kakuena Nzambi. Bobo badi banyanguke, badi benza malu mabi adi afuisha bundu; kakuena nansha umue wabo udi wenzaku malu mimpe.

MUKANDA WA MYIDI MUKULU

¹ Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Misambu 14:1 Referans Kwoze

Misambu 10:4

Muntu mubi udi wamba mu diambu diandi ne, Nzambi kena ukengesha muntu. Meji andi onso adi anu nunku ne, Kakuena Nzambi.

Misambu 53:1

Muhote udi wamba mu mutshima wandi ne, Kakuena Nzambi. Badi banyanguke, badi benza malu mabi adi afuisha bundu; kakuena nansha umue wabo udi wenzaku malu mimpe.

Misambu 92:6

Muntu udi kayi ne meji kena mumanye bualu ebu, ne muntu mujibale kena ubujingulula:

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

Luke 12:20

Kadi Nzambi wakamuambila ne, Wewe udi muhote, butuku ebu mene badi balomba muoyo webe; bintu biwakulongolola nebikale kudi nganyi?

Matayi 15:19

Bualu bua meshi mabi ne kushiha kua bantu ne masandi ne tshiendenda ne buibi ne mashimi ne kuhenda Nzambi bidi biluhuka mu mutshima;

Nsumuinu 1:7

Ditshina dia Yehowa ntshibangidilu tshia lungenyi; bahote badi bahetula meji ne diyisha.

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

Efeze 2:12

numiluke ne, Ku tshikondo atshi nuakadi kanui ne Kilisto, nuakadi bantu ba bende kudi tshisamba tshia Isalele, nuakadi benyi ku bihungidi bua mulayi wa Nzambi, kanui ne ditekemena, kanui no Nzambi mu buloba ebu.

Nsumuinu 27:22

Biwatua muhote ne muinshi mu tshinu hamue ne manvua, buhote buandi kabuena bûmuka kudiye.

Nsumuinu 1:22

Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Yobe 22:13

Kadi wewe udi wamba ne, Nzambi udi mumanye tshinyi? Hadiye utangila mu midima mikole, yeye udi mua kulumbulula bilumbu, anyi?

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Tite 1:16

Bobo badi bamba ne, Tudi bamanye Nzambi; kadi badi bamudiula ne bienzedi biabo; mbena tshinyangu, mbena buhidia, babengibue kadi Nzambi bua kuenza mudimu muimpe wonso.

Yeshaya 1:4

Nuenu, tshisamba tshia bantu babi, tshia badi banema bujitu bua malu mabi, tunkanunuma tua benji ba malu mabi, bana badi banyanga bienzedi biabo! Bakulekela Yehowa, bakulengulula Wa Tshijila wa Isalele, bakulua bu benyi kudiye, bakumukoma nyima.

Misambu 107:17

Bantu bahote badi badivuishila dikenga bua diya diabo mu nshila wa ditombokela diabo, ne bua malu abo a tshishiku.

Yobe 15:16

ke mudi muntu udi umutondesha udi munyanguke, udi unua malu mabi bu mai, utamba kuhanga buakane.

1 Samuele 25:25

Ndi nkusengelela ne, Mukelenge wanyi kabadi bualu bua muntu mulembakana, Nabala, mene; bualu bua bienzedi biandi bidi bu kukudimuna kua dina diandi: Nabala ndina diandi ne buhote budi nʼandi; kadi meme, muhika webe mukashi, tshiakatangila bansongalume ba mukelenge wanyi bakatumeye.

Nsumuinu 13:19

Kukumbasha kua dijinga kudi kusankisha mutshima, kadi bahote badi bakina bua kumuka ku malu mabi.

Misambu 73:3

Bualu bua nakadi mukuatshile bantu badi badisue mukau, hanakatangila diakalengele dia bantu babi.

Muambi 7:20

Bulelela, kakuena muntu muakane ha buloba utu wenza malu makane, kayi wenza malu mabi.

Yirmeya 5:12

Bakahidia Yehowa, bamba ne, Kanyeye nansha; makenga kaena atukuata tuetu; katuena tumona muele wa nvita anyi tshiole.

Yirmeya 6:28

Buonso buabo badi bahita kutomboka, badi bendakana ne mei a bunsonge; badi bu tshiamu tshia mitaku ne tshiamu tshifike; buonso buabo badi benzelangana bibi.