Misambu 137:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua mu buloba abu bakadi batubuesha mu buhika bakasua kutuimbisha mei a misambu; bakadi banukengesha bakasua tuetu tubimbile musambu wa disanka bamba ne, Nutuimbile musambu wa mu misambu ya mu Siona,

MUKANDA WA MYIDI MUKULU

³ Muaba awu, bantu bavua batukuata ku bupika, bavua batulomba bua tubimbile misambu; bavua batukengesha abu bavua batulomba misambu ya disanka bamba ne: “Tuimbilayi misambu, musambu umue wa Siyone!”

Misambu 137:3 Referans Kwoze

Luke 21:6

Yesu wakamba ne, Nudi nutangila bintu ebi, kadi matuku nealue ikalabo kabai bashîa dibue dimue ha mutu ha dikuabo, nebâsasule buonso buau.

Mika 3:12

Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.

Yirmeya 26:18

Mika, Muena Molesheta, wakambila bantu dî dia Nzambi mu matuku a Hezikiya, mukelenge wa Yuda. Yeye wakambila Bena Yuda bonso ne, Yehowa wa misumba udi wamba ne, Nebabundulule Siona bu mudibo babundulula budimi, Yelushalema nealue anu bikulu, ne mukuna wa ntempelo newikale bu mukuna mu ditu.

Yirmeya 9:11

Nenvuishe Yelushalema bu diala ne bu muaba udi mibuabua nushikame; nenvuishe misoko ya mu Yuda bikulu bidi kabiyi ne bantu.

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Misambu 80:6

Udi utuvuisha tshintu tshia kufuilangana nʼatshi kudi bena mutumba nʼetu; badi nʼetu lukuna badi basekeshangana bua bualu buetu.

Misambu 79:1

Nzambi, bisamba bia bantu biakubuela mu buhianyi buebe; kunyanga ntempelo webe wa tshijila; biakubutula Yelushalema bua kulueye mishiki ya mabue.

Misambu 65:1

Nzambi, kukutumbisha kudi kukuindila talalâ mu Siona; nebakushikishile wewe mitshihu.

Misambu 9:14

bua meme kumanyisha bantu bua butumbi buebe buonso, bua meme kusanka bua luhandu luebe ku bibi bia muana wa bakashi wa Siona.

Nehemya 4:2

Yeye wakamba ku mpala kua bana babo ne kua masalayi a Bena Samalea, wakabebesha ne, Bena Yuda aba batekete badi benza tshinyi? Nebadiashile lumbu anyi? Nebafile milambu ya kuosha, anyi? Nebamane bualu ebu dituku dimue, anyi? Nebasangashe mabue adi bu mishiki mu diala akamanabo kuosha, anyi?

1 Kulondolola 16:7

Dituku adi Davidi wakadianjila kuela mukenji bua kusakidilabo Yehowa kudi Asafa ne bana babo ne musambu eu, ne,

Yeshaya 51:11

Ka bantu bakuhikudibue kudi Yehowa nebalukilemu, nebalue ku Siona bimba misambu, disanka dia tshiendelele nedikale ha mitu yabo; nebikale ne disankidila ne disanka; kanyinganyinga ne kuhumuna nebinyeme kule.

1 Kulondolola 15:27

Davidi wakadi uluata tshilulu tshia lin muimpe, ne Bena Lewi bonso bakadi batuala mushete ne bimbi ba misambu ne Kenaniya, mulombodi wa bimbi ba misambu, bakaluata lin muimpe; Davidi wakadi uluata efoda wa lin kabidi.

Nsumuinu 25:20

Udi wimbila mutshima udi unema bujitu misambu udi bu muntu udi uvula tshivualu mu dituku dia mashika ne bu vinaigre muedibue ha buanga bua nsabanga.