Misambu 121:2 - Mukanda wa Nzambi Dihungila Dikulukulu ne Dihungila Dihia-dihia 2003

² Dikuatshisha dianyi didi difuma kudi Yehowa, wakafuka diulu ne buloba.

MUKANDA WA MYIDI MUKULU

² — Maweja-Nangila udi mufuke diulu ne buloba, ke udi ungambuluisha.

Misambu 121:2 Referans Kwoze

Yeshaya 41:13

Bualu bua meme, Yehowa Nzambi webe, nenkukuate ku tshianza tshiebe tshia balume, nkuambila ne, Kutshinyi, nenkukuatshishe.

Misambu 124:8

Dikuatshisha dietu didi mu dina dia Yehowa wakafuka diulu ne buloba.

Ebrewu 13:6

Nunku, tudi tuamba ne dikima ne, Mukelenge udi mukuatshishi wanyi; tshiena ntshina; Muntu neangenzele tshinyi?

Misambu 46:1

Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

Yirmeya 20:11

Kadi Yehowa udi nʼanyi bu muena bukitu mukole ne mukuatshishi wa buowa, nunku bankengeshi nebalenduke, kabena bampita bukole; nebafuishibue bundu tshishiki, bualu bua kabakuenza muanda wakadibo basue kuenza; nebafuishibue bundu bua tshiendelele, budi kabuyi mua kuhuibua muoyo.

Misambu 115:15

Nusankishibue kudi Yehowa, wakafuka diulu ne buloba.

Osheya 13:9

Bena Isalele, eku akubutuka kuenu, kuena ku luseke luanyi, meme mukuatshishi wenu.

Genese 1:1

Kale ku tshibangidilu Nzambi wakafuka diulu ne buloba.