Misambu 120:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu dikenga dianyi ndi ndila kudi Yehowa, ne yeye udi ungunvuila.

MUKANDA WA MYIDI MUKULU

¹ Musambu wa bena ngendu. Pavua dikenga dinkuata, meme kubila Maweja-Nangila, kungitabaye.

Misambu 120:1 Referans Kwoze

Misambu 18:6

Mu kanyinganyinga kanyi nakadibikila Yehowa, nakadila kudi Nzambi wanyi. Yeye wakunua dî dianyi hakadiye mu ntempelo wandi, muadi wanyi kudiye wakafika ku matshu andi.

Yona 2:2

wakamba biandi ne, Mu dikenga dianyi nakela dî dianyi kudi Yehowa, ne yeye wakitaba kundi; mu Muaba wa Bafue nakadila kûdi, ne wewe wakunvua dî dianyi.

Misambu 118:5

Mu makenga anyi nakabikila Yehowa; Yehowa wakitaba kundi, wakansulula, wakanteka mu muaba munene.

Ebrewu 5:7

Nyeye mu matuku a mubidi wandi wa ha buloba, hakatendeleleye ne mitendelelu ne misengelelu misangisha ne muadi mukole ne binsonshi kudi yeye wakadi ne bukole bua kumusungila ku lufu, ne hakamunvuilabo bua ditshina diandi dia Nzambi;

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Misambu 130:1

Ndi ndila kûdi, Yehowa, mu dijimba dia kanyinganyinga mundi mushikame.

Luke 22:44

Wakatamba kukenga ne kanyinganyinga, wakatendelela Nzambi bikole; luanga luakahatuka mamata manene hamʼbidi handi bu mashi amata hanshi.

Misambu 131:1

Yehowa, mutshima wanyi kawena udibandisha, mesu anyi kaena ne dihetu. Tshiena ngela meji anyi ku mianda mitambe bunene, anyi ku mianda mitambe kunkemesha bua meme kuyenza.

Misambu 125:1

Badi beyemena Yehowa badi bu mukuna wa Siona, udi kauyi mua kunyungishibua, kadi udi mukandamane kashidi.

Misambu 107:13

Nunku bakadila kudi Yehowa mu ntatu yabo, ne yeye wakabahandisha mu makenga abo.

Misambu 134:1

Monai, nuvudishile Yehowa disanka, nuenu bena mudimu bonso ba Yehowa, badi bimana mu nsubu wa Yehowa butuku!

Misambu 133:1

Monai, bidi bitamba buimpe ne bia disanka bua bukua bantu badikunguishe hamue ne mutshima umue!

Misambu 132:1

Yehowa, mubike Davidi mu ntatu yandi yonso.

Misambu 127:1

Bikala Yehowa kayi wasa nsubu, badi bamuasa badi bakuata mudimu eu hatuhu. Bikala Yehowa kayi ulama musoko, mutentekedi udi utabala hatuhu.

Misambu 124:1

Yehowa kayi muikale ku luseke luetu, ba mu Isalele bambe nunku ne,

Misambu 122:1

Nakadi ne disanka hakungambilabo ne, Tuye mu nsubu wa Yehowa.

Misambu 121:1

Ndi mbandisha mesu anyi ku mikuna mile. Dikuatshisha dianyi didi difuma kudi kunyi?

Misambu 102:2

Kusokoki mesu ebe kundi mu dituku dia dikenga dianyi! Teleja matshu ebe kundi, witabe kundi lubilu dituku dindi nkubikila.

Misambu 129:1

Bakankengesha ku buana buanyi tô ne mpindiu — ba mu Isalele bambe nunku ne,

Misambu 128:1

Disanka didi kudi muntu yonso udi unemeka Yehowa, udi wenda mu nshila yandi!

Misambu 126:1

Hakakudimuna Yehowa buhika bua Siona bua kuhingashamu bantu bandi, tuakadi bu badi balota tshilota.

Misambu 123:1

Ndi mbandisha mesu anyi kûdi, wewe udi mushikame mu diulu.

1 Samuele 1:20

Hana wakimita difu, ne hakakumbana ngondo yandi, wakalela muana wa balume, wakamuidika dina diandi Samuele, wakamba ne, Bualu bua nakumulomba kudi Yehowa.

1 Samuele 1:27

Nakamulomba muana eu, ne Yehowa wakamana kumpa kulomba kuanyi kunakumulomba:

Misambu 50:23

Udi ufila disakidila bu mulambu wandi udi untumbisha; nendeshe luhandu lua Nzambi kudi muntu udi ulongolola nshila wandi bimpe.

Yona 2:3

Bualu bua wewe wakadi mungele mu ndondo wa mai, munkatshi mua mai manene mene, mai akannyunguluka ku nseke yonso; mavuala ebe ne mambuanka ebe onso akahita ha mutu hanyi.