Misambu 119:114 - Mukanda wa Nzambi Dihungila Dikulukulu ne Dihungila Dihia-dihia 2003

¹¹⁴ Wewe udi tshisokomenu tshianyi ne ngabu wanyi; ndi ntekemena dî diebe.

MUKANDA WA MYIDI MUKULU

¹¹⁴ Wewe ke ngabu wanyi udi undama; ndi mutekemene diyi diwamba.

Misambu 119:114 Referans Kwoze

Misambu 32:7

Wewe udi tshisokomenu tshianyi; neundame bua tshikadi ne dikenga; neunnyunguluke ne misambu ya luhandu.

Misambu 3:3

Kadi wewe, Yehowa, udi ngabu udi undama nseke yonso, wewe mbutumbi buanyi ne mujudi wa mutu wanyi.

Yeshaya 32:2

Muntu neikale bu tshisokomenu ku tshihehele, ne tshinyemenu tshia ku tshihuhu, neikale bu misulu ya mai mu muaba mûme, bu dileshi dia dibue dinene mu buloba budi butondesha bantu.

Misambu 119:81

Muoyo wanyi udi muhungile ne dijinga dia luhandu luebe, ndi ntekemena dî diebe.

Misambu 119:74

Badi bakunemeka nebantangile, ne basanke, bualu bua nakutekemena dî diebe.

Misambu 84:11

Bualu bua Yehowa Nzambi udi diba ne ngabu; Yehowa udi uha bantu luse ne butumbi. Kena uhala badi benda mu buakane tshintu tshimpe tshimue.

Misambu 3:4

Ndi ndila kudi Yehowa ne dî dianyi dikole, ne yeye udi witaba kundi ne dî difuma ku mukuna wandi wa tshijila.

Misambu 119:43

Kungumutshidi dî dia bushuwa mukana muanyi kashidi; bualu bua ndi ne ditekemena mu mei ebe majalame.