Misambu 119:108 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰⁸ Yehowa, witabushe mei adi mukana muanyi mufile kûdi bu milambu ya luse; unyishe mei ebe majalame.

MUKANDA WA MYIDI MUKULU

¹⁰⁸ Maweja-Nangila, anyisha ditendelela dianyi bu mulambu, undongeshe tshiuvua mupangadike.

Misambu 119:108 Referans Kwoze

Ebrewu 13:15

Nunku bua bualu buandi, tufilafile kudi Nzambi mulambu wa kumutumbisha nʼau, udi biau mamuma a mishiku idi ijukula ditabusha dia dina diandi.

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.

Misambu 119:12

Wewe Yehowa, usankishibue, unyishe mikenji yebe mifunda.

Misambu 119:169

Kudila kuanyi kufike ku mesu kuebe, Yehowa; umpeshe lungenyi bu mudi dî diebe.

Dibadika 29:39

Nenufile bintu ebi kudi Yehowa mu matuku anudi nudia bidia bia Yehowa, ku mutu kua milambu ya kuditshiha nʼai ne bintu budi mitshima yenu misue kufila, ne milambu yenu ya kuosha ne milambu ya bukula ne milambu ya bintu bidibo banua ne milambu yenu ya kuvuisha nʼai ditalala.

Misambu 119:130

Kubulula kua mei ebe kudi kutemeshila bantu munya, kudi kuhesha muntu mutshimbakane lungenyi.

Misambu 119:26

Nakakulondela bienzedi bianyi, ne wewe wakungitaba. Unyishe mikenji yebe mifunda.

2 Kulondolola 31:14

Kole, muana wa Yimena, Muena Lewi, mulami wa tshibi tshia ku esete, wakadi ku mutu kua bintu bia disanka biakafilabo kudi Nzambi, bua kuabanyanganeye milambu ya Yehowa ne bintu bia tshijila.

Misambu 27:6

Ka yeye neabandishe mutu wanyi mulu mpindiu ha mutu ha bena lukuna banyi badi banyunguluka; nenfile milambu mu nsubu wandi wa ntenta diatshimue ne mbila ya disanka. Nengimbe misambu; e, nengimbile Yehowa misambu bua kumutumbisha nʼai.