Misambu 11:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa udi uteta muntu muakane; kadi mutshima wandi udi ne muntu mubi ne muntu udi musue malu a tshimbambila lukuna.

MUKANDA WA MYIDI MUKULU

⁵ Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Misambu 11:5 Referans Kwoze

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

1 Petro 4:12

Bananga, kanukemi bua dikenga didi bu kahia munkatshi muenu diakaluila kunudi bu diteta, bu bualu buhia-buhia buakanukuata;

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

Misambu 26:2

Tangila munda muanyi, Yehowa, untete; untete mu mutshima wanyi ne mu meji anyi.

Misambu 7:9

Bubi bua bantu babi bushike, kadi ujadike bantu bakane; bualu bua Nzambi muakane udi uteta meji abo ne mitshima yabo.

Genese 22:1

Hakahita malu au Nzambi wakateta Abalahama, wakamuambila ne, Abalahama yeye wakitaba ne, Ndiku.

Misambu 21:8

Tshianza tshiebe netshihete bonso badi nʼebe lukuna; tshianza tshiebe tshia balume netshihete badi bakukina.

Zekâya 11:8

Nakashiha balami basatu mu ngondo umue bualu bua mutshima wanyi wakabanga kuikala nʼabo lutulu, ne mitshima yabo yakandengulula.

Yirmeya 12:8

Yuda, buhianyi buanyi, wakulua kundi bu nyama wa ntambue wa mu ditu; yeye wakungela dî bua kumpidia, nunku ndi nʼandi lukuna.

Misambu 139:1

Yehowa, wewe wantangila munda muanyi, wakummanya!

Misambu 17:3

Wewe wakuteta mutshima wanyi; wewe wakulua kundi mu butuku; wewe wakunteta, kukumangana ne meji mabi. Mukana muanyi kabidi kamuena muamba malu mabi.

Misambu 10:3

Bualu bua muntu mubi udi ufunafuna bua malu adi mutshima wandi musue, munyengi wa bintu udi uhenda Yehowa ne udi umuhetula.

Malaki 3:3

Yeye neashikame hanshi ukunjisha ne ulengesha tshiamu tshia argent, nealengeshe bana ba Lewi. Neabakenkeshe bu or ne argent, bua bobo bikale kudi Yehowa bu bantu badi bafila milambu kudiye mu buakane.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Misambu 5:6

Wewe neubutule bena mashimi. Yehowa udi ukenuka bantu badi bamatshisha mashi hanshi ne badi badinga bakuabo.

Yirmeya 20:12

Wewe Yehowa wa misumba, udi uteta buakane bua bantu, udi umona mutshima ne meji, witabushe bua meme ntangile kusombuela kuebe kubakuata, bualu bua nakukusokoluela tshilumbu tshianyi.