Misambu 11:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Ndi nyemena kudi Yehowa; munyi munudi nungambila ne, Unyeme bu nyunyu ku mukuna webe?

MUKANDA WA MYIDI MUKULU

¹ Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

Misambu 11:1 Referans Kwoze

Misambu 56:11

mu Nzambi mene mundi ngeyemena, tshiyi ne buowa. Bantu badi bamanye mua kungenzela tshinyi?

Misambu 25:2

Nzambi wanyi, nakukueyemena wewe; kuitabushi bua banfuishe bundu; kuitabushi bua bena lukuna banyi bampite bukole.

1 Samuele 23:14

Davidi wakashikama mu tshihela mu misoko ya ngumbu; wakashala mu mikuna mu tshihela tshia Zifa. Shaula wakamukeba ku dituku ku dituku, kadi Nzambi kakamufila mu tshianza tshiandi.

Luke 13:31

Ha diba adi mene Bafalese bakuabo bakalua, bakamuambila ne, Umuka eku, ya biebe, bualu bua Helode udi musue kukushiha.

Nsumuinu 6:5

Udihandishe bu mudi kabuluku kadisungila mu bianza bia tshilembi, bu mudi nyunyu udihandisha mu bianza bia tshilembi tshia nyunyu.

Misambu 16:1

Nzambi undame, bualu bua ndi nkeba tshinyemenu tshianyi kûdi.

2 Kulondolola 16:8

Bena Atiopa ne Bena Lubima kabakadi tshisumbu tshinene ne makalu ne bena tubalu bia bungi, anyi? Kadi bualu bua wewe wakueyemena Yehowa, yeye wakabafila mu bianza biebe.

Misambu 31:14

Kadi ndi ngeyemena kudi, Yehowa, ndi ngamba ne, Wewe udi Nzambi wanyi.

Misambu 9:10

Badi bamanye dina diebe nebakueyemene; buala bua wewe, Yehowa, kuena muanze kulekela bantu badi bakukeba.

Misambu 7:1

Yehowa, Nzambi wanyi, ndi munyemene kûdi. Unsungile kudi bantu bonso badi bangihata, umpandishe.

2 Kulondolola 14:11

Asa wakadila kudi Yehowa Nzambi wandi, wakamba ne, Yehowa, kakuena mukuabo bu wewe udi mua kukuatshisha badi ne bukole ne badi kabayi ne bukole; utukuatshishe, Yehowa Nzambi wetu; bualu bua tuetu tudi tukueyemena, tuakuluila mu dina diebe bua kuluangana ne tshisumbu etshi tshinene. Yehowa, wewe udi Nzambi wetu; kuitabushi bua bantu bakuhite bukole.

1 Samuele 20:38

Yonatana wakela nsongalume dî ne, Endesha, ya biebe lubilu, kujanguluki. Nsongalume wa Yonatana wakambila mikete, wakahingana kudi mukelenge wandi.

1 Samuele 27:1

Davidi wakamba mu mutshima wandi ne, Meme nenfue dituku dikuabo ku tshianza tshia Shaula; kakuena bualu budi butamba buimpe kundi bu mudi kunyemena mu buloba bua Bena Peleshete; Shaula neahange kunkeba mu matshika a buloba bua Isalele, nunku nempanduke mu tshianza tshiandi.

1 Samuele 22:3

Davidi wakumukaku, wakaya ku Misepa wa mu Moaba; yeye wakambila mukelenge wa Moaba ne, Witabushe bua tatuʼanyi ne mamuʼanyi balue, bashikame nʼebe tô ne hanamanya tshidi Nzambi musue kungenzela.

1 Samuele 19:11

Shaula wakatuma bantu ku nsubu wa Davidi bua kumutentekelabo ne bua kumushihabo dinda; Mîkala, mukashi wa Davidi, wakamuambila ne, Biwahidia kusungila muoyo webe butuku ebu, hatshiabu nebakushihe.

Nehemya 6:11

Nakamba ne, Muntu bu meme udi ne bua kunyema bua tshinyi? Nganyi udi bu meme neanyemene mu ntempelo bua kusungila muoyo wandi? Tshiena nyamu nansha.

Misambu 7:2

Bua kabampandi bu mudi nyama wa ntambue mua kuenza, badi bantuanya bihesa bihesa handi tshiyi ne musungidi.

Yirmeya 48:14

Nudi mua kuamba munyi ne, Tudi bantu bakole, tudi bena bukitu mu nvita?