Mika 5:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nunku yeye neabafile mu bianza bia badi nʼabo lukuna tô ne ku tshikondo tshialela mukashi muana, ne hahingana difuka dia bana babo kudi Bena Isalele.

MUKANDA WA MYIDI MUKULU

³ Yeye ke mfumu uvuabu babalaye. Nealombole bantu bende ne muoyi mukole. Nealeje bukole buende, ne butumbi bua Maweja-Nangila, Mvidi Mukulu wende. Bantu ba tshisamba tshiende nebasombe mu ditalala, bualu nebitabe bumfumu buende too ne ku nshikidilu kua buloba.

Mika 5:3 Referans Kwoze

Matayi 1:21

Yeye nealele muana mulume, umuidike ne, Yesu, bualu bua yeye neasungile bantu handi ku mibi yabo.

Mika 4:7

Nenyishe badi benda bazobele difuka dia tshisamba, nenvuishe bantu bakihatabo diambedi bu tshisamba tshinene, ne Yehowa neabakokeshe mu mukuna wa Siona ku dituku edi tô ne tshiendelele.

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

Mika 7:13

Kadi buloba nebulue tshikulu bualu bua bantu babi badi bashikamemu, ne bua mamuma mabi atu bienzedi biabo bikuama.

Osheya 2:14

Nunku, mona, nemmuitabushishe, nemmulombole mu tshihela, nengambile mutshima wandi mei makane.

Osheya 2:9

Nunku nengangate kabidi manvua anyi mu tshidimu tshiau, ne nvinyo mihia-mihia mu tshikondo tshiai; nenyenge miosa yanyi ya mikoko ne bilulu bia lin biakadiye nʼabi bualu bua kubuikila butaka buandi.

Rome 8:29

Bua bantu bakadianjileye kumanya diambedi yeye wakadianjila kubasungila kabidi, bua kuikalabo bafuanyikishibue ku tshifuanyikishi tshia Muana wandi, bua yeye ikale muanʼa bute munkatshi mua bana babo ba bungi.

Matayi 25:40

Mukelenge neabambile ne, Bulelela, ndi nuambila ne, Bualu bua nuenu nuakenzela umue wa mu bana betu badi batambe kuhuekela nunku, nuakangenzela meme.

Matayi 12:50

Muntu yonso wenza bu mudi Tatu wanyi wa mu diulu musue yeye udi muanʼetu mulume ne muanʼetu mukashi ne mamu wanyi.

Mika 6:14

Nenudie, kadi kanuena nukuta; tshiole netshikale munkatshi muenu. Nansha wewe inulame bantu bebe ne bintu biebe, kuena unsungila; nembibutule ne muele wa nvita.

Yirmeya 31:1

Yehowa udi wamba ne, Mu tshikondo atshi nengikale Nzambi wa meku onso a mu Isalele, ne bobo nebikale bantu banyi.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

2 Kulondolola 30:7

Kanuikadi bu batatuʼenu ne bu bana benu, bakenzela Yehowa, Nzambi wa bankambua babo, bibi, nunku yeye wakabafila bua bobo batuishe bakuabo mikemu, bu munudi numone.

1 Bakalenga 14:16

Yeye nealekele Bena Isalele bua malu mabi akenza Yalobama ne bua malu mabi akenzesheye Bena Isalele.

Amosa 5:15

Kinai malu mabi, nangai malu mimpe, jadikai kulumbulula kuakane ku tshibuelelu tshia musoko. Bumue Yehowa, Nzambi wa misumba, nealeshe luse luandi kudi ba mu tshiota tshia Yosefe badi bashala ne muoyo.

Mika 5:7

Difuka dia Yakoba nedikale munkatshi mua bisamba bia bungi bu mume mufume kudi Yehowa, bu kumata kua nvula ha mashinde, bidi kabiyi bindila dî dia muntu, ne bidi kabiyi bindila mei a bana ba balume ba bantu.

Mika 5:8

Difuka dia Yakoba nedikale munkatshi mua bisamba bia bantu, munkatshi mua bisamba bia bungi, bu nyama wa ntambue munkatshi mua nyama ya muitu, bu muana wa ntambue munkatshi mua bisumbu bia mikoko; yeye mene, biahiteye munkatshi muai, udi widiata, udi wisunsula, ne kakuena muntu wayihandisha.

Misambu 67:3

Nzambi, ba ha buloba bakutumbishe; ba ha buloba bonso bakutumbishe.

Yeshaya 49:6

mpindiu Yeye udi wamba ne, Mbualu budi butamba bukese bua wewe kuikala muntu wanyi bua kubisha kabidi bisamba bia Yakoba, ne bua kuhingasha ba mu Isalele badi bashala ne muoyo; ka nenkuyishe bu munya kudi ba bisamba bia bende, bua luhandu luanyi lufike tô ne kunfudilu kua buloba.

Yirmeya 23:5

Yehowa udi wamba ne, Monai, mu matuku atshidi alua, nensampishile Davidi Lutonga luakane; yeye neakokeshe bu mukelenge, nealeshe bakuabo meji makane, neajadike kulumbulula kuimpe ne buakane mu buloba.

Yezekiyele 34:16

Nenkebe yakadi mijimine, nempingashe yakihatabo, nenjingile yakadi mitahike mputa tshilulu, nenkoleshe yakadi isama; nendame idi ne manyi ne idi ne bukole, nenyidishe ne kulumbulula kuakane.

Mika 4:4

Kadi nebashikame, mu ntu ne muntu, muinshi mua muonshi wandi wa tumuma tua nvinyo ne muinshi mua mutshi wandi wa nfigi; kakuena muntu wabakuatshisha buowa; bualu bua mukana mua Yehowa wa misumba muakamba nunku.

Zekâya 10:6

Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.