Mika 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa udi wamba ne, Mu dituku adi nensangishe tua benda bazobele, nenkunguishe bantu bakuihatabo, ne bantu banakukengesha.

MUKANDA WA MYIDI MUKULU

⁶ Maweja-Nangila udi wamba ne: “Dituku nedifike, dindi nsangisha badi batapika mputa, dindi mpingaja mu matunga abu, bamvua mukengeshe, mutume mu bupika.

Mika 4:6 Referans Kwoze

Sefanya 3:19

Mona, mu tshikondo atshi nenshikishe tshilumbu tshia bonso bakadi bakukengesha; nempandishe udi mulema, nempingashe wakuihatabo; nembavuishe bantu badi ne butumbi ne badi ne dina dinene, bakadi bakuatshike bundu mu buloba buonso diambedi.

Yowanane 10:16

Ndi ne mikoko mikuabo idi kayi ya mu luhangu elu; bundi nʼabu mbua kulua nʼai, neyunvue dî dianyi; neilue tshisumbu tshimue, ne mulami umue.

Yeshaya 56:8

Mukelenge Yehowa, udi usangisha bamuangalashibue ba mu Isalele, udi wamba ne, Nensangishe bakuabo kudiye kabidi, ha mutu ha banakamana kusangisha diambedi.

Misambu 147:2

Yehowa udi wasa Yelushalema kabidi; ukungisha ba mu Isalele bakadi bamuangalashibue hohamue.

Luke 19:10

Bualu bua muana wa muntu wakuluila bua kukeba ne bua kusungila tshidi tshijimine.

Mika 2:12

Bulelela, nensangishe bana benu bonso, Yakoba; bulelela, nensangishe difuka dia Bena Isalele hohamue; nembasangishe hohamue bu mikoko mivule mu luhangu, bu tshisumbu tshia mikoko mu mpata wai wa mashinde, nebikale ne mutoyi bualu bua bungi buabo.

Yezekiyele 36:24

Bua nennuhatule munkatshi mua bisamba bia bantu, nennusangishe bua kunûmusha munkatshi mua maloba makuabo, nendue nʼenu mu buloba buenu mene.

Yirmeya 31:8

Tangilai, meme ndifume nʼabo ku luseke lua ku node, nembasangishe bua kubumusha ku miaba idi kunfudilu kua buloba, bafofo ne balema nebalue nʼabo, mukashi udi ne difu ne yeye udi wamba kulela; nebahingane kunoko mu tshisumbu tshinene.

Yirmeya 3:18

Mu matuku au ba mu Bena Yuda nebende hohamue ne ba mu Bena Isalele; nebaluhuke hohamue mu buloba bua ku node, nebafike ku buloba bunakaha bankambua benu bu buhianyi buabo.

Misambu 38:17

Bualu bua ndi ngamba kudishinda, ne kanyinganyinga kanyi kadi ku mpala kuanyi matuku onso.