Mika 1:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hita biebe, muana mukashi udi mushikame butaka, udi mufuishibue bundu mu musoko wa Shafila. Muana mukashi wa mu musoko wa Sânana kena muanji kuluhukamu. Muadi wa Bete-esele neunuhumbishe bua kuimana hehi nʼandi.

MUKANDA WA MYIDI MUKULU

¹¹ Nuenu badi basombe mu Shafire, muangalayi, nunyeme ne bundu, kanuyi bia kuvuala! Badi basomba mu Saanane, kabena bakimina kupatuka mu tshimenga. Badi badila mu tshimenga tshia Bete-Eshele, bualu nansha munda mua tshimenga mudi amu njiwu.

Mika 1:11 Referans Kwoze

Yeshaya 20:4

nunku mukelenge wa Ashû neaye kuabo ne bantu badiye mukuate mu Ejipitu ne badiye mumushe mu Atiopa bua kubalela kule, bana ne bakulumpe diatshimue, bikale butaka ne kabayi ne hisabata, kabayi ne bilulu bia kubuikila ku mataku abo, bua kufuisheye ba mu Ejipitu bundu.

Nahume 3:5

Yehowa wa misumba udi wamba ne, Mona, meme ndi nku hidia, nenvule bivualu biebe ku mesu kuebe, nemmueneshe butaka buebe kudi bisamba bia bantu, nenkufuishishe bundu kudi makelenge makuabo.

Mika 1:8

Bua muanda eu nengase muadi, nendile, nengende butaka ne ku makasa kutuhu; nengase muadi bu wa mibuabua, nendile ne kudila bu kua nyunyu wa nfiondo.

Yezekiyele 23:29

Bobo nebakuenzele malu mu lukinu luabo, nebakunyenge bintu bionso biwakuheta ku mudimu webe, nebakushiye butaka kuyi ne bivualu. Nebakufuishe bundu bua masandi ebe, malu ebe a tshikama ne a masandi mene.

Yezekiyele 16:37

bua malu â nensangishe balunda bebe bonso bawakadisankisha nʼabo, bonso bawakananga mene ne bonso bawakadi nʼabo lukuna hohamue; nenkunguishe bantu aba ba ku nseke yonso bua kukutshintshimikabo, nemmueneshe butaka buebe kudibo bua bobo babumone hatoke.

Yirmeya 48:9

Nuhe Moaba mahuahua, bua yeye ahahale, anyeme. Misoko yandi neyilue bikulu, kayiyi ne bantu ba kushikamamu.

Yirmeya 48:6

Nyemai bienu! Nusungile mioyo yenu! Nuikale bu mutshi wa tshianana mu tshihela.

Yirmeya 13:22

Biwadikonka mu mutshima webe ne, Malu â onso akunkuata bua tshinyi? Mbua malu mabi ebe a bungi badi bavula bivualu biebe, ne dikenga didi dikukuata to ne ku bikankanyi biebe.

Yeshaya 16:2

Bu mudi nyunyu yendakana mulu, bu tunyunyu tua mu disua didi disasula, mbu mudi bana bakashi ba Moaba ku tshisabukilu tshia ku musulu wa Ânona.

Yoshua 15:37

Senana ne Hadasha ne Migedala-gada,

Zekâya 14:5

Tshibanda tshia Hinoma netshikale tshijibikila tô ne ku Azele. E, nenunyeme bu munuakanyema ku mpala kua kutaka kua buloba mu matuku a Uziya, mukelenge wa Yuda. Yehowa Nzambi nealue, banjelo bandi ba tshijila nebalue nʼandi.