Matayi 8:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Yesu wakambila kapitene ka masalayi ne, Ya biebe; bualu bua wewe wakuitabusha, nebakuenzele tshiwakulomba. Muntu wandi wakasangala ha diba adi mene.

MUKANDA WA MYIDI MUKULU

¹³ Pashishe Yezu kuambila mulombodi wa bena myita ne: — Pingana kuebe, nebikuenzekele bu mudi ditaba diebe. Disama dia muena mudimu wa mulombodi kujika amu diba mene adi.

Matayi 8:13 Referans Kwoze

Yowanane 4:50

Yesu wakamuambila ne, Ya biebe, muanʼebe udi ne muoyo, Muntu au wakitabusha dî diakamuambila Yesu, wakaya biandi.

Marke 9:23

Yesu wakamuambila ne, Binamanya mua kuenza bualu! Bitabusha muntu, malu onso adi mua kumuenzekela.

Matayi 17:20

Yeye wakabambila ne, Bualu bua ditabusha dienu diakadi dikese. Bulelela, ndi nuambila ne, Binuikala ne ditabusha bunene bua lutete lua mutada, nenuambile mukuna eu ne, Umukaku, ya kuakua, neumuke; kakuena bualu budi mua kunukolela. [

Matayi 15:28

Yesu wakamuandamuna ne, Wewe mukashi, ditabusha diebe didi dinene; nebakuenzele bualu bûdi musue. Ne muanʼandi wa bakashi wakakoleshibua ha diba adi mene.

Matayi 9:22

Yesu wakatshinguluka, wakamumona, wakamuambila ne, Muanʼanyi, kolesha mutshima webe, kuitabusha kuebe kuakukusungila. Ha diba adi mene mukashi au wakakoleshibua.

Muambi 9:7

Ya biebe, udie bidia biebe ne disanka; unue nvinyo yebe ne mutshima wa disanka; bualu bua Nzambi wakumana kuitabusha midimu yebe.

Matayi 8:4

Yesu wakamuambila ne, Kuambidi muntu bualu ebu, uye biebe, udileshe kudi muakuidi wa Nzambi, ufile tshiakamba Mose bu tshimanyishilu ku mesu kua bantu.

Marke 7:29

Yeye wakamuambila ne, Bualu bua dî edi ya biebe, demon wakumana kumuka munda mua muanʼebe.