Matayi 5:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Badi bahele mu mitshima yabo badi ne disanka, bua bukelenge bua mu diulu budi buabo.

MUKANDA WA MYIDI MUKULU

³ — Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Matayi 5:3 Referans Kwoze

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Nsumuinu 29:23

Kudisua kua muntu nekumuhuekeshe, kadi udi ne mutshima muhuekele neahete buneme.

Misambu 34:18

Yehowa udi ha buihi ne bantu badi ne mitshima idi itamba kunyingalala, udi Usungila badi ne mitshima ya majia.

Nsumuinu 16:19

Kuikala ne mutshima muhuekele diatshimue ne badihuekeshi kudi kutamba kuabanyangana bintu binyenga mu nvita ne badisu buimpe.

Luke 18:14

Ndi nuambila ne, Muntu au wakuhueka ku nsubu kuandi mubinge, mukuabo muhile; bualu bua wadibandisha nebamuhuekeshe, wadihuekesha nebamubandishe.

2 Kulondolola 7:14

biadihuekesha bantu banyi badi babikila dina dianyi, biatendelelabo, biakebabo mpala wanyi, ne biakudimunabo mitshima yabo bua mibi yabo, nengunvuile mu diulu, nembabuikidile mibi yabo, nensangashe buloba buabo.

Misambu 51:17

Milambu idi Nzambi mua kuitabusha idi mutshima wa majia. Wewe Nzambi, kuena uhetula mutshima wa majia ne udi unyingalala bua bubi buau.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yakobe 2:5

Unvuai, bana betu bananga; Nzambi kakasungula bahele ba mu bintu bia ha buloba bua kuikalabo babanshi mu ditabusha ne bahianyi ba bukelenge buakalayeye badi bamunanga, anyi?

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

2 Kulondolola 34:27

bualu bua mutshima webe wakanyingalala ne bua wewe wakadihuekesha ku mpala kua Nzambi hawakunvua mei andi akambeye bua muaba eu ne bua bantu badi bashikamamu, wakadihuekesha ku mpala kuanyi, wakadihanda bilulu biebe, wakadila ku mpala kuanyi, Yehowa udi Wamba ne, Meme kabidi nakunvua mei ebe.

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Luke 11:28

Kadi yeye wakamba ne, Nasha, badi batelesha dî dia Nzambi, badi badilama, badi ne disanka.

Misambu 112:1

Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

Misambu 1:1

Disanka didi kudi muntu udi kayi ulonda lungenyi lua bantu babi, udi kayi wimana mu nshila diatshimue ne benji ba malu mabi, udi kayi mushikame mu tshisombelu tshia babuidi.

Yobe 42:6

Bua muanda eu ndi mudihishe, ndi ukudimuna mutshima wanyi, ndi nsomba mu luhuishi ne mu butue.

Matayi 11:25

Dituku adi Yesu wakandamuna dî, wakamba ne, Tatu Wanyi, Mukelenge wa diulu ne wa buloba, ndi nkusakidila bualu bua wewe wakusokoka bena meshi ne bena budimu malu â, wakuasokolola kudi bana bakese;

Luke 4:18

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

Marke 10:14

Hakamona Yesu bualu ebu, wakadi ne tshishi, wakabambila ne, Nuitabushe bua bana bakese kulua kundi, kanubakandi; bualu bua bukelenge bua Nzambi mbua badi bu bana.

Matayi 13:16

Kadi mesu enu adi ne disanka, bua adi amona; matshu enu adi ne disanka kabidi, bua adi unvua

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Misambu 146:5

Disanka didi kudi muntu udi ne dikuatshisha diandi kudi Nzambi wa Yakoba, udi ne ditekemena diandi mu Yehowa Nzambi wandi,

2 Kulondolola 33:12

Hakadiye mu ntatu nunku yeye wakakeba Yehowa Nzambi wandi, wakatamba kudihuekesha ku mesu kua Nzambi wa bankambua bandi.

Misambu 41:1

Disanka didi kudi muntu udi wela meji a luse bua muntu udi ne mubidi mutekete! Yehowa neamuhandishe mu dituku dia dikenga.

Misambu 2:12

Nuluangane mishiku ne muana wandi wa balume, bua yeye kikadi ne tshiji, ne bua nuenu kanujiminyi mu nshila. Bualu bua tshiji tshiandi tshidi tshitemeshibua lukasa. Disanka didi kudi bonso badi bamueyemena!

2 Kulondolola 33:23

Yeye kakadihuekesha ku mesu kua Yehowa bu muakenza Manashe tatu wandi hakadihuekesheye; kadi Amona eu wakatamba kuenzenza malu mabi.

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

Yowanane 20:29

Yesu wakamuambila ne, Bualu bua wewe wakuntangila, wakuitabusha; bakungitabusha, kabai banze kuntangila, badi ne disanka.

Matayi 24:46

Muhika au neikale ne disanka, hahingana nfumu wandi, hamusanganeye wenza nunku.

Misambu 84:12

Yehowa wa misumba, disanka didi kudi muntu udi ukueyemena!

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

Yakobe 1:10

ne mubanshi atumbile mu dihuekeshihua diandi; bualu bua yeye neajimine bu tshilongo tshia mu tshisuku.

Nsumuinu 8:32

Nunku, bana banyi ba balume nungunvuile: bua badi balamata mu nshila yanyi badi ne disanka.

2 Kulondolola 33:19

Mei akalombeye nʼau Nzambi bakitabusha Nzambi kutendekena kuandi, ne malu mabi onso akenzeye, ne ditomboka diandi, ne bioshelu biakaseye ha mutu ha mikuna, ne mitshi ya Bashela yakakuneye, ne mpingu yakasongeye diambedi yeye kayi muanji kudihuekesha, monai, bidi bifunda mu mukanda wa bamonyi ba malu.

Didimanyisha 22:14

Disanka didi kudi badi buvua mayeka abo, bua bobo bikale ne bukokeshi bua kuluabo ku mutshi wa muoyo, ne bua kubuela ku bibi munda mua musoko.

Didimanyisha 19:9

Yeye udi ungambila ne, Funda ne, Badi babikidibua ku bidia bia dibanji bia Muana wa Mukoko badi ne disanka. Yeye udi ungambila kabidi ne, Â adi mei malelela a Nzambi.

Matayi 25:34

Hashishe, Mukelenge neambile badi ku tshianza tshiandi tshia balume ne, Luai, nudi nusankishibua kudi Tatu wanyi, nuhiane bukelenge buakunulongoluelabo ku tshibangidilu tshia buloba;

Misambu 128:1

Disanka didi kudi muntu yonso udi unemeka Yehowa, udi wenda mu nshila yandi!

Matayi 11:6

Muntu yonso udi kai ulenduka bua bualu buanyi udi ne disanka.

Matayi 8:11

Ndi nuambila ne, Bantu ba bungi nebalue ku esete ne ku wesete, nebadie bidia ne Abalahama ne Isaka ne Yakoba mu bukelenge bua mu diulu;

Matayi 3:2

Kudimunai mitshima yenu; bualu bua bukelenge bua mu diulu budi hehi.

Matayi 19:14

Yesu wakamba ne, Nuitabushe bua bana bakese kulua kundi, kanubakandi; bualu bua bukelenge bua mu diulu mbua badi bu bana.

Luke 22:29

ndi nuha bukelenge bu muakumpa Tatu wanyi bukelenge,

Luke 22:30

bua nuenu kudia ne kunua ku mesa anyi mu bukelenge buanyi; nenushikame mu nkuasa ya butumbi nulumbuluisha bisamba dikumi ne bibidi bia Isalele.

Didimanyisha 3:17

Bualu bua udi wamba ne, Ndi mubanshi; ne, Nakuheta biuma; ne, Tshiena nkengela tshintu; ne kuena mumanye ne udi muena dikenga ne mukengedi wa luse, ne muhele ne mufofo ne butaka.