Matayi 5:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hanuhendabo ne hanukengeshabo ne hanushiminyinabo mashimi onso, bua bualu buanyi, nenuikale ne disanka.

MUKANDA WA MYIDI MUKULU

¹¹ Padi bantu banupenda, banukengesha, nansha babenga bionsu binudi nuenza, amu bualu nudi balongi banyi, nudi bena diakalenga.

Matayi 5:11 Referans Kwoze

1 Petro 4:14

Bianuhendabo bua dina dia Kilisto, nudi ne disanka; bualu bua Nyuma wa butumbi ne Nyuma wa Nzambi udi unuikila hamʼbidi henu.

Luke 21:17

Bantu bonso nebikale nʼenu lukuna bua dina dianyi.

Marke 13:13

Bantu bonso nebikale nʼenu lukuna bua dina dianyi; kudi wananukila tô ne kunshikidilu neasungidibue.

Matayi 24:9

Nebanufile mu dikenga, nebanushihe; bisamba bionso nebikale nʼenu lukuna bua dina dianyi.

Luke 6:22

Hikala bantu nʼenu lukuna, hanumushabo munkatshi muabo, hanuhendabo, hahetulabo dina dienu ne, Ndibi, bua bualu bua Muana wa muntu, nenuikale ne disanka.

1 Petro 2:23

hakamuhendabo, yeye kakabahenda kabidi; hakakengeye, yeye kakabakanyina, kadi wakadifila mu bianza bia udi ulumbulula biakane.

Yowanane 15:21

Nebanuenzele malu â onso bualu bua dina dianyi, bua bobo kabena bamanye wakuntuma.

Matayi 10:22

Bantu bonso nebikale nʼenu lukuna bua dina dianyi; kadi wananukila tô ne kunshikidilu neasungidibue.

Yeshaya 66:5

Nuenu badi bazakala hanunvua dî diandi, unvuai dî dia Yehowa ne, Bana benu badi nʼenu lukuna ne bakanuihata bua bualu bua dina dianyi bakuamba ne, Yehowa atumbishibue, bua tuetu tumone disanka dienu; kadi mbobo bine balualua kufuishibua bundu.

Matayi 10:39

Muntu udi uheta muoyo wandi neaujimishe; muntu udi ujimisha muoyo wandi bua bualu buanyi neauhete.

Didimanyisha 2:3

Ne udi ne ditantamana, ne wakatuala majitu bua dina dianyi, ne kuakuhungila.

Matayi 19:29

Muntu yonso wakushia nsubu yandi, anyi bana babo balume anyi bana babo bakashi, anyi tatuʼandi, anyi baba wandi, anyi bana bandi, anyi madimi andi, bualu bua dina dianyi yeye neahete masanka misangu lukama matambe a diambedi, neahiane muoyo wa tshiendelele kabidi.

2 Korente 4:11

Bualu bua tuetu badi ne muoyo tudi tufidibua ku lufu misangu yonso bualu bua Yesu, bua muoyo wa Yesu kabidi umueneshibue mu mibidi yetu ifuafua.

1 Korente 4:10

Tuetu tudi bahote bualu bua Kilisto, kadi nuenu nudi bena lungenyi mu Kilisto; tuetu tudi batekete, kadi nuenu nudi bakole, nuenu nudi ne butumbi, kadi tuetu tudi bahetudibua.

Rome 8:36

Mbu muakafundabo ne, Bua bualu buebe tudi tushihibua dinda tô ne ku dilolo; Tudi tubadibua bu mikoko ya kushihibua.

Luke 21:12

Kadi malu â onso kâi manze kulua, nebanukuate, nebanukengeshe, nebanufile mu nsunagoga ne mu nsubu ya lukanu, nebalue nʼenu ku mesu kua banfumu ne bangovena bua dina dianyi.

Luke 9:24

Bualu bua wasua kusungila muoyo wandi neaujimishe; kadi wajimisha muoyo wandi bua bualu buanyi neausungile.

Marke 8:35

Bualu bua wasua kusungila muoyo wandi neaujimishe; wajimisha muoyo wandi bua bualu buanyi ne bua lumu luimpe neausungile.

Matayi 10:25

Mbimpe bia muyidi ikale bu mudi muyishi wandi, ne muhika ikale bu mudi nfumu waudi. Bikalabo babikile muena nsubu ne, Belezebula, nebatambe kubikila ba mu nsubu muandi muomumue.

Bienzedi 9:16

bualu bua neamuleshe bungi bua malu adiye ne bua kukengela bua dina dianyi.

Misambu 44:22

E, bua bualu buebe tudi tushihibua dinda tô ne ku dilolo; tudi lubadibue bu mikoko ya kushihabo.

Marke 13:9

Nuende badimuke, bualu bua bantu nebanufile kudi balumbuludi babo, nebanukume mu nsunagoga yabo, nenuimane ku mesu kua ba-ngovena ne ku mesu kua banfumu bua bualu buanyi, nenuikale bu tshimanyishilu ku mesu kuabo.

Matayi 27:39

Bahitshi ba mu nshila bakamuhenda, bakakuha mitu yabo,

Marke 4:17

kadi bobo kabena ne miji munda muabo, badi bikala tshituha tshihi; hashishe, halua dikenga anyi lutatu bualu bua dî dia Nzambi, nebalenduke lubilu.

Matayi 10:18

bulelela, nebaye nʼenu ku mesu kua bangovena ne ku mesu kua banfumu bua bualu buanyi, nenuikale bu tshimanyishilu ku mesu kuabo ne ku mesu kua bisamba bia bende.

Yowanane 9:28

Bakamutandisha ne, Wewe udi muyidi wandi, tuetu tudi bayidi ba Mose.

Misambu 35:11

Bantemu badi bena tshikisu badi bajuka; badi bankonka bua malu andi tshiyi mumanye.

Yeshaya 25:8

Yeye wakumina lufu tshiendelele; ne Mukelenge Yehowa neakuhule binsonshi ku mesu kua bantu bonso; neumushe tshihendu tshidibo bahenda nʼatshi bantu bandi, utshiumusha ha buloba buonso; bualu bua Yehowa wakuamba dî edi.

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Yirmeya 37:14

Kadi Yelemiya wakamuhingashila dî ne, Au mmei a mashimi; tshiena nnulekela bua Kuya ku luseke lua Bena Kasada. Kadi kahita kakakamunvuila. Nunku Iliya wakakuata Yelemiya, wakaya nʼandi kudi baminyampala.

Filipe 1:29

bualu bua nuakahebua ngasa bua bualu bua Kilisto, kena anu bua kumuitabusha, kadi bua kukenga bua bualu buandi kabidi;