Matayi 27:51 - Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Monai, tshilulu tshiakadi tshikudika mu ntempelo tshiakahandika bihesa bibidi ku mutu kuatshi tô ne kunshi, buloba buakakanka; mabue akahandika;

MUKANDA WA MYIDI MUKULU

⁵¹ Diba adi, tshilamba tshiyuabu balembeleje mu nzubu wa Mvidi Mukulu kupandikatshi kulu ne panshi bitupa bibidi. Buloba kuzakala, mbuebue kuela mitanta,

Matayi 27:51 Referans Kwoze

Marke 15:38

Tshilulu tshiakadi tshikudika mu ntempelo tshiakahandika bihesa bibidi ku mutu kuatshi tô ne kunshi;

Ebrewu 6:19

Nditekemena ditudi nʼadi bu luongo lua muoyo wetu, didi dikuata bikole, didi dishindama, didi dibuela tô ne munda mua muaba udi ku nyima kua tshilulu tshikudika,

Luke 23:45

diba diakahanga kutema; tshilulu tshikudika mu ntempelo tshiakahandika hankatshi.

Didimanyisha 11:19

Ne ntempelo wa Nzambi udi mu diulu wakunzuludibua; ne mushete wa tshihungidi tshiandi mu ntempelo wandi wakamuenebua; ne miele ya nvula, ne mei, ne mikungulu, ne kukanka kua buloba, ne mabue a nvula, biakalua.

Matayi 27:54

Kapitene ka masalayi lukama ne bakadi nʼandi balama Yesu, hakamonabo buloba bukanka ne malu makuabo akenjibua, bakatamba kutshina, bakamba ne, Bulelela, eu wakadi Muana wa Nzambi.

Matayi 28:2

Monai, buloba buakakanka bikole; muanjelo wa Mukelenge wakahueka hanshi mufume mu diulu, wakalua, wakumusha dibue, wakashikamahu.

Yeshaya 25:7

Ha mukuna eu yeye neumushe tshilulu tshikudika tshidi tshibuikila ha mitu ya bantu bonso, ne tshibuikilu tshidi tshiadisha ha mutu ha bisamba bionso.

Didimanyisha 11:13

Mu diba adi dikanka dinene dia buloba diakadiku, ne tshituha tshia dikumi tshia musoko tshiakûhuka; ne bantu binunu muanda mutekete bakafua mu dikanka dia buloba; bakuabo bonso bakadi bashale bakatshinyishibua, bakatumbisha Nzambi wa mu diulu.

Ebrewu 9:3

Ne ku nyima kua tshilulu tshikudika tshibidi kuakadi muaba wa mu tshitendelelu udibo babikila ne, Muaba mutambe tshijila;

Abakuke 3:10

Mikuna yakakumona, yakadi ne didinyenga; matutu akalokeshisha nvula; ndondo wa mai wakela dî diandi, wakabandisha bianza biandi mulu.

2 Kulondolola 3:14

Wakakuma tshilulu tshikudika ne buanda bua bleu ne bukunzubile ne bukunzu-kunzû ne bua lin muimpe; bakenzamu bifuanyikishi bia bakeluba.

Lewitiki 21:23

kadi yeye kena mua kubuela mu muaba wa tshijila anyi mua kulua ha buihi ne tshioshelu, bualu bua yeye udi ne tshilema, kanyangishi nsubu wanyi nansha, bualu bua meme ndi Yehowa wakabajidila.

Abakuke 3:13

Wakahatuka biebe bua kuhandisha bantu bebe, bua kuhandisha muntu webe muedibue manyi ha mutu; wakatshibula musonga wa nsubu wa bantu babi, mumueneshe bishimikidi biandi hatoke tô ne ku mutu kua tshimanu.

Misambu 18:15

Hashishe, nshila ya mu mai manene yakamueneka ku mesu, ne bishimikidi bia buloba biakasokolodibua, bua kubela kuebe, Yehowa, ne bua kuhuja kua muhuya wa mu diulu diebe.

Misambu 18:7

Ka buloba buakazakala ne buakanyunga, bishimikidi bia mikuna mile biakazakala kabidi ne biakakanka, bualu bua yeye wakadi ne tshiji.

Lewitiki 16:2

Yehowa wakambila Mose ne, Wambile Alona, mukulu webe, ne, Kulu nusangu yonso mu muaba wa tshijila udi ku nyima kua tshilulu tshikudika ku mpala kua tshibuikilu tshia mushete wa Nzambi, kufu biebe, bualu bua meme nemmueneke mu difutu ku mutu kua tshibuikilu tshia mushete wa Nzambi.

Ekesode 40:21

Wakalua ne mushete mu nsubu wa tshitendelelu, wakakudika tshilulu, wakajibikila mushete bu muakambila Yehowa Mose.

Dibadika 4:5

hayabo ku luendu Alona neabuelemu ne bana bandi balume nebatuhe tshilulu tshikudika, nebabituale hatshi mushete wa Nzambi,

Luke 23:47

Hakatangila kapitene ka masalayi bualu ebu, wakatumbisha Nzambi ne, Bulelela, eu wakadi muntu muakane.