Matayi 23:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Badi benza malu abo onso anu bualu bua bantu babamone; badi badiundisha nfulakatelio yabo badi badiundisha mibanga ya bikowelu biabo,

MUKANDA WA MYIDI MUKULU

⁵ Badi benza midimu yabu yonsu bua bantu babamone. mBafunde miaku ya tshijila pa mikaba minene, idibu basuika pa mpala nansha ku maboku. Binkutu biabu bidi ne nzemba minene kabidi.

Matayi 23:5 Referans Kwoze

Yowanane 12:43

Kusua kuabo kua butumbi bua bantu kuakatamba kusua kuabo kua butumbi bua Nzambi.

Filipe 2:3

Kanuenji muanda bua ditahuluka anyi bua kuditumbisha kua hatuhu; kadi mu mitshima mihuekela muntu ne muntu abale mukuabo bu muntu udi umutamba yeye buimpe.

Yowanane 5:44

Nuenu, badi batumbishangana, badi kabai bakeba butumbi budi bufuma kudi Nzambi nkayandi, nudi bamanye mua kuitabusha munyi?

Luke 16:15

Yeye wakabambila ne, Nuenu nutu nuadibingisha ku mesu kua bantu, kadi Nzambi udi mumanye mitshima yenu; tshintu tshidi tshitumba ku mesu kua bantu tshidi tshinyanguka ku mesu kua Nzambi.

Dielulula 6:8

Wewe newasuike bu tshimanyinu ku tshianza tshiebe, ne hankatshi ha makiki.

Luke 20:47

bobo kabidi batu banyenga nsubu ya bakashi ba mu lufuila; batu batendelela Nzambi musangu mule anu bualu bua lubombo luabo; kuhila kuabo nekutambe bunene.

Dielulula 22:12

Nudienzele bisele ku mpenga inai ya bilulu bienu binudi baluata.

Ekesode 13:9

Bualu ebu nebuikale bu tshimanyinu ku tshianza tshiebe ne bu tshivulukidi hankatshi ha mesu ebe, bua dî dia Yehowa dikale mukana muenu, bualu bua Yehowa wakanuhatula mu Ejipitu ne tshianza tshikole.

Filipe 1:15

Bulelela, bakuabo badi bamba Kilisto bualu bua mukau ne kutandangana; ne bakuabo kabidi badi bamuamba bualu bua disanka dimpe;

Yowanane 7:18

Wadiambila udi ukeba butumbi buandi; kadi wakeba butumbi bua wakumutuma udi biandi muntu mulelela, kena ne bualu bubi munda.

Matayi 9:20

Monai, mukashi wakalua ku nyima kua Yesu, wakadi ne disama dia mashi ahatuka bidimu dikumi ne bibidi, wakalenga tshianza tshiandi ku mubangu wa tshivualu tshia Yesu;

Nsumuinu 3:3

Luse ne lulamatu lua ku bushuwa kabiumuki kûdi. Ubisuike mu nshingu muebe, ubifunde mu mutshima webe.

2 Tesalonike 2:4

Yeye ngudi udimanyika ne udi udibandisha ku mpala kua bionso bidi bidikibua ne, Nzambi, anyi bionso bidi bantu batendelela; nunku yeye udi ushikama mu ntempelo wa Nzambi udilesha kudi bantu ne, Meme ndi Nzambi.

2 Bakalenga 10:16

Wakamuambila ne, Ulue nʼanyi, umone lukunukunu lundi nʼalu kudi Yehowa. Nunku bakamushikika mu dikalu diandi.

Dielulula 11:18

Nunku nubueshe mei â munda mua mitshima yenu ne muoyo wenu; nuasuika ku tshianza tshienu bu tshimanymu ne hankatshi ha makiki enu.

Lewitiki 13:32

Halua dituku dia muanda mutekete, muakuidi neatangile mu mputa, ne bikala mputa kayi mutampakane, ne nsuki mitoke kabayiku, bielanganeye meji ne mputa kena ubuela mu munyinyi wa mubidi,