Matayi 19:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Yesu wakamuambila ne, Biwasua kuikala muimpe, ya biebe, uhane biudi nʼabi, ubihe bantu bahele, newikale ne bintu mu tshibutshilu tshia mu diulu, ulue kundonda.

MUKANDA WA MYIDI MUKULU

²¹ Yezu kumuandamuna ne: — Paudi musue kuikala muakane tshishiki, uye kupana bionsu biudi nabi, wambike bapele makuta abi. Nanku newikale ne biuma mu diulu. Pashishe ufike bua kundonda.

Matayi 19:21 Referans Kwoze

Marke 10:21

Yesu wakamutangila talalâ, wakamunanga, wakamuambila ne, Bualu bumue mbukushala; ya biebe, uhane biudi nʼabi bionso, ubihe bantu bahele, newikale ne bintu mu tshibutshilu mu diulu, ulue kundonda meme.

Luke 18:22

Hakunvua Yesu dî adi, wakamuambila ne, Bualu bumue mbukushala; uhane biudi nʼabi bionso, ubiabanyine bantu bahele, newikale ne bintu mu tshibutshilu mu diulu; ulue kundonda meme.

Luke 12:33

Nuhane binudi nʼabi, nubihe bantu bahele ku luse; nudienzele bibombo bidi kabi bikulukasha, bintu bia mu tshibutshilu tshia mu diulu bidi kabi bishika tshiendelele, mudi muibi kai ulua ha buihi, mudi tshishi katshi tshinyanga.

Luke 14:33

Nunku muntu yonso wa munkatshi muenu udi kai uhidia bintu bionso bidiye nʼabi kena mumanye mua kuikala muyidi wanyi.

Bienzedi 2:45

bakahana madimi abo ne bintu, bakabiabanyina bantu bonso bu muakadi muntu yonso nʼabi bualu.

Yowanane 12:26

Biangenzela muntu mudimu, andonde; muena mudimi wanyi neikale kundi ngikala; biangenzela muntu mudimu, Tatu neamutumbishe.

Luke 9:23

Yeye wakabambila buonso buabo ne, Biasua muntu kundonda, adihidie, atuale mutshi wandi mutshiamakane ku ditutu ku dituku, andonde.

Yowanane 10:27

Mikoko yanyi idi yunvua dî dianyi, ndi muimanye, idi indonda;

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

Luke 16:9

Ndi nuambila ne, Nudiangatshile balunda ku mamona a malu mabi; hashikau, nebanuitabushe bua nuenu kubuela mu nsubu ya tshiendelele.

Matayi 19:28

Yesu wakabambila ne, Bulelela, ndi nuambila ne, Mu dituku dialedibua bintu bionso tshiakabidi, hashikama Muana wa muntu mu nkuasa wa butumbi buandi, nuenu kabidi bakundonda, nenushikame mu nkuasa dikumi ne ibidi, nulumbuluisha bisamba dikumi ne bibidi bia Isalele.

Matayi 16:24

Yesu wakambila bayidi bandi ne, Biasua muntu kundonda, adihidie, ambule mutshi wandi mutshiamakane, alonde.

Luke 6:40

Muyidi kena mutambe muyishi wandi; kadi muntu yonso wakumana kuyishibua neikale bu muyishi wandi.

Luke 5:27

Hakashika malu â, yeye wakumukaku, wakamona musangishi wa mulambu, dina diandi Lewi, mushikame ku tshilambuidi, wakamuambila ne, Undonde.

Marke 8:34

Yesu wakabikila tshisumbu tshia bantu ne bayidi bandi, wakabambila ne, Biasua muntu kundonda, adihidie, ambule mutshi wandi mutshiamakane, andonde.

Matayi 9:9

Hakadi Yesu umukaku, wakamona muntu, dina diandi Matayo, mushikame ku tshilambuidi, wakamuambila ne, Undonde; yeye wakabika, wakamulonda.

Ebrewu 10:34

Bualu bua nuakafuila bakadi mu lukanu luse, ne nuakitabusha ne disanka dihaula dia bintu bienu, bualu bua nudi bamanye ne, Tudi ne tshintu tshitamba buimpe ne tshidi tshishala tshiendelele.

Marke 2:14

Hakadiye uhita, wakamona Lewi muana wa Alafayo mushikame ku tshilambuidi, wakamuambila ne, Undonde. Yeye wakabika, wakamulonda.

Matayi 8:22

Kadi Yesu wakamuambila ne, Ndonda meme, shîa bafue bajike bafue babo.

Matayi 4:19

Yeye wakabambila ne, Luai ku nyima kuanyi, nenuvuishe bilembi bia bantu.

Misambu 37:37

Tangila muntu udi ne mutshima mutoke bimpe, mona muntu udi muakane; bualu bua tunkanunuma netuikale kudi muena ditalala.

Yobe 1:1

Muntu wakadiku mu buloba bua Usa, dina diandi Yobo. Wakadi muntu wa mutshima mutoke ne wa malu makane, wakatshina Nzambi, wakehuka ku malu mabi.

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Genese 6:9

Eku nkulondolola kua malu a Noa. Noa wakadi muntu muimpe, wakadi muakane tshishiki mu tshikondo tshiandi, Noa wakendakana ne Nzambi.

Matayi 19:20

Nsongalume wakamuambila ne, Nakenzenza malu â onso; bualu kai budi hunshala?

Matayi 19:22

Kadi hakunvua nsongalume dî edi, wakaya biandi mubungame, bualu bua yeye wakadi ne bintu bia bungi.