Matayi 18:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Wadihuekesha bu muana eu mukese, yeye udi mutambe bakuabo mu bukelenge bua mu diulu.

MUKANDA WA MYIDI MUKULU

⁴ Udi mupite bakuabu mu Bukalenga bua mu diulu ngudi udipuekesha, udienza bu muana ewu.

Matayi 18:4 Referans Kwoze

Yakobe 4:10

Nudihuekeshe ku mesu kua Mukelenge, ne yeye neanubandishe.

Luke 14:11

Bualu bua wadibandisha nebamuhuekeshe, wadihuekesha nebamubandishe.

Marke 10:43

Kadi bualu buenu kabuena nunku; wasua kulua munene munkatshi muenu neikale muena mudimu wenu;

Luke 9:48

wakabambila ne, Witabusha muana mukese eu mu dina dianyi udi ungitabusha meme; wangitabusha meme udi witabusha udi muntume; bua udi mutambe bukese munkatshi muenu nyeye udi mimene.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

Matayi 18:1

Ha diba adi bayidi bakalua kudi Yesu, bakamuebesha ne, Mu bukelenge bua mu diulu udi mutambe bakuabo nganyi?

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Matayi 18:3

wakamba ne, Bulelela, ndi nuambila ne, Binuikala kanui nukudimuna mitshima yenu, binuikala kanui nulua bu bana bakese, kanuena nubuela mu bukelenge bua mu diulu bulelela.

Matayi 18:5

Witabusha muana mukese nunku mu dina dianyi udi ungitabusha meme;

Marke 9:34

Bakahua, bualu bua bobo bakadi belangana mpata mu nshila ne, Udi mutambe bakuabo nganyi?