Matayi 16:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Ba mu tshikondo tshibi ne tshia masandi badi bakeba tshimanyinu! kabena babaha tshimanyinu tshikuabo anu tshia Yona. Yeye wakahashîa, wakaya biandi.

MUKANDA WA MYIDI MUKULU

⁴ Bena lelu, nansha bobu bantu babi, badi kabayi bitaba Mvidi Mukulu, badi amu balomba tshishima. Kadi kabakubaleja tshishima tshikuabu to, amu tshia Yona. Yezu kubashiya nanku, kuya.

Matayi 16:4 Referans Kwoze

Yona 1:17

Yehowa wakalongolola munyinyi munene wa mu mai bua kuminau Yona; ne Yona wakadi munda mua munyinyi wa mu mai minya isatu ne mafuku asatu.

Marke 8:38

Muntu yonso udi unfua meme ne mei anyi bundu mu tshikondo etshi tshia masandi ne tshia malu mabi, Muana wa muntu neamufue yeye bundu, halueye ne banjelo ba tshijila mu butumbi bua Tatu wandi.

Marke 8:12

Yeye wakahumuna munda munda, wakamba ne, Ba mu tshikondo etshi badi bakebela tshimanyinu tshinyi? Bulelela, ndi nuambila ne, Kabena baha ba mu tshikondo etshi tshimanyinu.

Matayi 15:14

Nubalekele, badi balombodi bafofo, Bialombola mufofo munga mufofo, bubidi buabo nebahone mu dina.

Genese 6:3

Yehowa wakamba ne, Nyuma wanyi kena utendekena bantu tshiendelele, bualu bua badi anu ba ha buloba, ne matuku abo neikale bidimu lukama ne makumi abidi.

Bienzedi 18:6

Hakamutantamenabo ne hakamuhendabo, yeye wakabanyukuila bilulu, wakabambila ne, Mashi enu ikale ha mitu henu, meme tshiena ne bualu; katataka tô ne tshiendelele nenye kudi bisamba bia bende.

Osheya 9:12

Nansha biakoleshabo bana, nembanyengabo, bua muntu umue kashadi. E, mulau newikale kudibo hangumuka kudibo!

Osheya 4:17

Bena Efelayima bakudilamika kudi mpingu yabo, nubalekele nʼai!

Bienzedi 2:40

Yeye wakabambila mei makuabo a bungi, wakabadimusha ne, Disungilai kudi ba mu tshikondo etshi tshia tshitshu.

Yeshaya 57:3

Kadi Semenai bienu ha buihi, nuenu bana ba mukashi mutempeshanganyi wa mbuku, baledibue kudi muena masandi ne kudi mukashi wa ndumba.

Yona 1:1

Dî dia Yehowa diakalua kudi Yona, muana wa Amitai, diamba ne,

Matayi 16:5

Bayidi ba Yesu bakalua dishia dia dishiba, muoyo wakabahua bua kuangata mitanda ya bidia.