Matayi 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Kadi Bafalese, hakatangilabo bualu ebu, bakamuambila ne, Tangila, bayidi bebe batshidi benza bualu budi bujila dituku dia Lumingu.

MUKANDA WA MYIDI MUKULU

² Baparushe bamona nanku, kuambilabu Yezu ne: — Tangila, balongi bebe badi benza bualu, budi mikenji yetu mikandike dituku dia Dikisha.

Matayi 12:2 Referans Kwoze

Matayi 12:10

monai, muntu wakadi ne tshianza tshiume. Bakakonka Yesu ne, Kuondaha bantu dituku dia Lumingu kudi kushiha mukenshi, anyi? Bakasua kumubanda.

Luke 14:3

Yesu wakakonka bamanyi ba mikenshi ne Bafalese ne, Kuondaha kua bantu dituku dia Lumingu kudi kushiha mukenshi, anyi?

Luke 23:56

Bakahingana, bakalongolola bintu bia muhuya muimpe ne manyi a mananashi. Dituku dia Lumingu lua Bayuda bakikisha bu mudi mukenshi wa Nzambi.

Yeshaya 58:13

Biwalukisha dikasa diebe bua kadinyangi dituku dia Lumingu, bua wewe kuenji malu adi mutshima webe musue kuenza mu dituku dianyi dia tshijila; biwabikila dituku dia Lumingu ne, Dituku dia disanka, ne dituku dia tshijila dia Yehowa ne, Dituku dia butumbi; biwatumbisha dituku edi, kuyi ulonda nshila yebe, kuyi ukeba malu adi mutshima webe musue, kuyi wamba mei a hatuhu;

Ekesode 35:2

Enzai mudimu matuku asambombo; kadi dituku dia muanda mutekete nedikale dituku dia tshijila, dituku dia kuikisha ku mesu kua Yehowa; muntu yonso udi wenza mudimu dituku adi nebamushihe.

Ekesode 23:12

Nuenze mudimu wenu matuku asambombo kadi nuikishe mu dituku dia muanda mutekete, bua ngombe webe ne mpunda webe bikishe ne muana wa balume wa muhika webe mukashi, ne muenyi basangale.

Matayi 12:3

Kadi yeye wakabambila ne, Kanuakubala bualu buakenza Davidi, hakadiye ne nsala, ne bakuabo bakadi nʼandi, anyi?

Marke 2:24

Bafalese bakamukonka ne, Tangila, bayidi bebe badi benzela bualu budi bujila dituku dia Lumingu tshinyi?

Luke 6:2

Kadi Bafalese bakuabo bakabakonka ne, Nuenu nudi nuenzela bualu budi bujila dituku dia Lumingu tshinyi?