Matayi 10:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Yesu wakamuangalasha bantu aba dikumi ne babidi, wakalayangana nʼabo ne, Kanuyi mu nshila wa ku bisamba bia bende, kanubuedi mu musoko wa Bena Samalea;

MUKANDA WA MYIDI MUKULU

⁵ Yezu kutuma bapostolu bende dikumi ne babidi aba, ubambila bivuabu ne bua kuenza ne: — Kanuyi mu matunga a bantu badi kabayi bena Yuda, kanubuedi mu bimenga bia bena Samariya.

Matayi 10:5 Referans Kwoze

Yowanane 4:9

Mukashi wa mu Samalea wakamukonka ne, Wewe Muena Yuda udi undombela meme Muena Samalea mai a kunua tshinyi? (Bualu bua Bena Yuda kabena babuelakana ne Bena Samalea.)

1 Tesalonike 2:16

badi batukanda bua tuetu katuakudi ne ba bisamba bia bende bua bobo basungidibue; nunku bobo badi bakumbasha mibi yabo misangu yonso; kadi hashishe tshishi tshiakafika kudibo.

Luke 17:16

wakadihonena, wakatua mpala wandi hanshi ku makasa a Yesu, wakamusakidila; yeye wakadi Muena Samalea.

Bienzedi 10:45

Bena kuitabusha batengula bakadi balue ne Petelo bakakema, bualu bua bakuitshikishila bisamba bia bende kabidi kuha kua Nyuma Muimpe.

Luke 9:2

Yeye wakabatuma bua kuambilabo bantu bualu bua bukelenge bua Nzambi, ne bua kukoleshabo bena mabedi.

Bienzedi 1:8

Kadi nuenu nenuangate bukole, hanuhuekela Nyuma Muimpe hamʼbidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.

Yowanane 20:21

Yesu wakabambila kabidi ne, Ditalala dikale kunudi; bu muakantuma Tatu, nunku mundi nutuma.

Yowanane 7:35

Bena Yuda bakakonkangana ne, Muntu eu neaye, kudi kunyi kutudi katu! bamanye mua kumumona? Neaye kudi bena tshimuangi munkatshi mua Bena Gelika, neayishe Bena Gelika, anyi?

Yowanane 4:5

Yeye wakalua ku musoko wa Samalea, dina diau Suka, hehi ne muaba wakadi Yakoba muhe muanʼandi Yosefe.

Luke 10:33

Kadi Muena Samalea wakadi ulua mu nshila, wakalua kudiye; hakamumoneye, luse luakamukuata,

Matayi 4:15

Buloba bua Zebuluna ne buloba bua Nafatale, Nshila wa hehi ne dishiba, dishia dia Yadene, Galela wa bisamba bia bende,

Bienzedi 8:1

Shaula wakadi witabusha bua Stefano kufueye. Dituku adi mene dikenga dikole diakakuata bena ekelesia ba mu Yelushalema, buonso buabo bakatangadika mu nseke ya Yudaya ne ya Samalea, anu bapostolo bakadi bashale.

Yowanane 8:48

Bena Yuda bakamuebesha ne, Katuena tuamba bulelela ne, Wewe udi Muena Samalea, udi ne demon munda, anyi?

Yowanane 4:20

Bankambua betu bakadi batendelela Tatu ku mukuna eu; kadi nuenu nudi nuamba ne, Mu Yelushalema mudi muaba udi bantu ne bua kutendelelamu Tatu.

Luke 10:1

Hakashika malu â, Mukelenge wakasungula banga bayidi kabidi makumi muanda mutekete, wakabatuma ku mpala kuandi ku babidi ku babidi mu misoko yonso ne mu miaba yonso, yakadiye wamba kuya.

Matayi 22:3

wakatuma bantu bandi bua kubikila bakalayileye diambedi bua disanka dia dibanji; bakahidia kulua.

Marke 6:7

Yeye wakabikila bayidi bandi dikumi ne babidi, wakabanga kubatuma ku babidi ku babidi; wakabaha bukole bua kuhita nyuma ya bukoya;

Luke 9:1

Yeye wakabikila bayidi bandi dikumi ne babidi, wakabaha bukole ne bukokeshi bua kuleshabo bademon bonso, ne bua kukoleshabo bakadi ne mabedi.

Yowanane 17:18

Bu muwakuntuma munkatshi mua ba ha buloba, mbu munakubatuma munkatshi mua ba ha buloba kabidi.