Matayi 10:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi hanufilabo nunku, kanulambi kuelangana meshi ne, Netuambe munyi? Netuambe tshinyi? Nebanuhe buakuamba ha diba adi.

MUKANDA WA MYIDI MUKULU

¹⁹ Pikalabu baye nenu kumpala kua balumbuluishi, kanupampakanyi bua tshinudi ne bua kuamba, ne bua mushindu unudi ne bua kuakula. Nenupete tshia kuamba anu diba adi.

Matayi 10:19 Referans Kwoze

Ekesode 4:12

Nunku, ya biebe, meme nengikale ne mukana muebe, meme nenkuyishe mei andi musue wewe kuamba.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.

Luke 12:11

Haluabo nʼenu ku mpala kua badi ku mutu kua nsunagoga, ne kua balumbuludi, ne kua banfumu, kanutambi kuelangana meshi ne, Netubakudimune dî kai? Netuambe tshinyi?

Ekesode 4:15

Wewe neuyikile handi, neuteke mei mukana muandi, meme nengikale ne mukana muebe ne mukana muandi, nenkuyishe malu anudi mua kuenza.

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Matayi 6:31

Kanutambi kuelangana meshi ne, Netudie tshinyi? Netunue tshinyi? Netudiluatshishe tshinyi?

Matayi 6:25

Ebu mbualu bundi nuambila ne, Kanutambi kuelangana meshi bua muoyo wenu ne, Netudie tshinyi? Netunue tshinyi? Kanutambi kuelangana meshi bua mibidi yenu ne, Netuluate tshinyi? Muoyo kawena utamba bidia, anyi? Mubidi kawena utamba bilulu, anyi?

Filipe 4:6

Lekelai kudiatshisha ku bualu bumue; kadi mu malu onso ku ditendelela ne ku disengelela numanyishe Nzambi bua milombu yenu ne disakidila.

Bienzedi 6:10

Kabakamanya mua kuhita lungenyi luandi ne Nyuma wakadi umuakuisha.

Yirmeya 1:9

Mu diba adi Yehowa wakolola tshianza tshiandi, wakalenga mukana muanyi. Yehowa wakangambila kabidi ne, Mona, nakuteka mei anyi mukana muebe;

Yirmeya 1:7

Kadi Yehowa wakangambila ne, Kuambi ne, Ntshidi anu muana; bualu bua neuye kudi muntu yonso kundi nkutuma, newambe mei onso anakuambila.

Matayi 6:34

Kanutambi kuelangana meshi a makelela, bualu bua makelela neadielelangane meshi. Lutatu lua ku dituku ne ku dituku ludi lukumbane.

Matayi 10:18

bulelela, nebaye nʼenu ku mesu kua bangovena ne ku mesu kua banfumu bua bualu buanyi, nenuikale bu tshimanyishilu ku mesu kuabo ne ku mesu kua bisamba bia bende.

Luke 12:12

Nyuma Muimpe neanuyishe mua kuamba ha diba adi.