Marke 6:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Yeye wakamema mitanda itanu ne mishiha ibidi, wakatangila mulu, wakatendelela Nzambi, wakatshibula mitanda, wakaifila mu bianza bia bayidi bua kubitekabo ku mpala kua bantu; yeye wakababanyina buonso buabo mishiha ibidi.

MUKANDA WA MYIDI MUKULU

⁴¹ Pashishe Yezu kuangata mampa atanu ne mishipa ibidi, kutangilaye mulu, kuelaye Mvidi Mukulu tuasakidila. Kutshibulaye mampa, kuapeshaye balongi bua kuabanyinabu bantu. Kubabanyinaye bonsu buabu kabidi mishipa ibidi.

Marke 6:41 Referans Kwoze

Matayi 14:19

Wakambila bisumbu bia bantu ne, Shikamai ha mashinde; wakamema mitanda itanu ne mishiha ibidi; hakatangileye mulu, wakatendelela Nzambi, wakabitshibiha, wakabifila mu bianza bia bayidi, bayidi bakaha bisumbu bia bantu.

Marke 7:34

wakatangila mulu, wakahumuna, wakamuambila ne, Efata, udi bu Ikale majibuke.

Luke 24:30

Hakashikameye nʼabo ku mesa, wakamema mutanda wa bidia, wakatendelela Nzambi: hakautshibuleye bituha, wakabahabi.

Luke 9:16

Yeye wakamema mitanda itanu ne mishiha ibidi, wakatangila mulu, wakabivuidishila disanka, wakabitshibula, wakabifila mu bianza bia bayidi bua kubitekabo ku mpala kua bantu.

1 Samuele 9:13

Hanuabuela mu musoko, hashishe numukebe diambedi yeye kayi muanze kuya ku mukuna bua kudieye bidia: bualu bua bantu kabena badia bidia diambedi yeye kayi muanze kulua, bualu bua yeye udi uvudishila milambu yabo disanka, hashishe bantu bakabikilabo badi badia bidia. Nunku nuye bienu bualu bua nenumusangane ha diba edi.

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

Yowanane 17:1

Hakamba Yesu malu â, wakatangila mulu, wakamba ne, Tatu, diba diakufika; utumbishe Muanʼebe, bua Muana akutumbishe;

Yowanane 11:41

Bakumusha dibue. Yesu wakabandisha mesu mulu, wakamba ne, Tatu, ndi nkusakidila bua wewe wakunvua dî dianyi.

Marke 14:22

Hakadibo badia, yeye wakamema mutanda wa bidia; hakatendeleleye Nzambi, wakautshibula, wakabaha, wakamba ne, Angatai bienu, etshi tshidi mubidi wanyi

Kolose 3:17

Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

Rome 14:6

Udi uteka meshi andi ku dituku udi wateka nunku bua Mukelenge; ne udiadia, udiadia bua Mukelenge, bualu bua udi usakidila Nzambi. Ne udi kai udia, kena udia bua Mukelenge, ne udi Nzambi.

Yowanane 6:23

(kadi matu mafume ku Tibelia akalua hehi ne muaba wakadiabo bidia, hakatendelela Mukelenge Nzambi);

Yowanane 6:11

Yesu wakamema mitanda; hakatendeleleye Nzambi, wakayabanyina bakadi bashikame, ne mishiha kabidi bungi buakadibo basue.

Matayi 26:26

Hakadibo badia, Yesu wakamema bidia, wakatendelela Nzambi, wakabitshibula, wakaha bayidi bandi, wakamba ne, Angatai, diai bienu; ebi bidi mubidi wanyi.

Matayi 15:36

wakamema mitanda muanda mutekete ne mishiha; wakatendelela Nzambi, wakabitshibula, wakabifila mu bianza bia bayidi, bayidi bakaha bantu.

Dielulula 8:10

Nenukute mafu tente, nenusakidile Yehowa, Nzambi wenu, bualu bua buloba buimpe buakalayeye.

Bienzedi 27:35

Hakambeye nunku, wakangata mutanda wa bidia, wakasakidila Nzambi ku mesu kua buonso buabo, wakautshibula, wakabanga kudia.

Marke 6:40

Bakashikama mu milongo, bantu lukama lukama ne bantu makumi atanu makumi atanu.

Marke 6:42

Buonso buabo bakadia, bakukuta.

Marke 8:19

Hanakatshibuila bantu binunu bitanu mitanda itanu, nuakangula bisaka bungi munyi biule tente ne bihesa? Bakamuambila ne, Dikumi ne bibidi.